Qamişlo- Di bin dirûşma "4'ê Nîsanê vejîna azadiya jin û gelan e" Kongra Star a bajarê Qamişloyê, herêma Bakur û Rojhilatê Sûriyeyê duh şahiyek bi boneya rojbûna Rêberê Gelê Kurd Abdullah Ocalan a 76'an û salvegera damezrandina Yekîneyên Parastina Jin (YPJ) organîze kir. Bi sedan ji şêniyên bajêr beşdarî şahiyê bûn û bi stran û govendê herdu rojan pîroz kirin.

Jinên ku beşdarî şahiyê bûn tekez kirin ku wê 4'ê Nîsanê bikin roja azadî û têkoşînê û berxwedana xwe berdewam bikin heta ku Rêberê Gelê kurd Abdullah Ocalan bi fizîkî azad dikin.

'Rojbûna Rêber Apo rojbûna mirovahiyê ye'

Wedha Wankî got ku ew silavên xwe ji Rêber Apo re dişînin û wiha axivî: "Em ê Rêber Apo ji zindana Îmraliyê fizîkî azad bikin. Têkoşîn û berxwedana me heta ku em bigihîjin armancên xwe wê bidome. Rojbûna Rêber Apo ne rojeke normal e, ew rojbûna mirovahiyê û rizgarkirina ji koletiyê ye."

'Jinan ji felsefeya azadiyê hêz girtin'

Sîham Silêman jî da zanîn ku rojbûna Rêberê Gelê Kurd Abdullah Ocalan roja vejîna gelê Kurd û gelê azadîxwaz e û wiha got: " Heta azadiya fizîkî ya Rêber Apo pêk were her jinek wê di nava berxwedan û têkoşînê de be. Bi saya fikir û ramanên Rêber Apo jin û civak bi pêş ketin û ji bo azadiya xwe di nava lêgerînê de ne. Jinên Kurd hêza xwe ya siyasî û leşkerî ava kirin û ji jinên cîhanê re bûn sembolên azadiyê. Jinan ji fikir û felsefeya azadiyê hêzeke mezin girt."