Navenda Nûçeyan – Hat ragihandin ku dê sibê ji bo piştevaniya Werîşe Mûradî di saet 20:30’an de li ser medyaya dîjîtal a Instagram û X’yê bi sernavê ‘Bibin dengê Werîşe Mûradî’ kampanyaya hashtagê were destpêkirin.

Her wiha çalakvan û azadîxwazan daxwaz li welatiyên Kurd kirin ku bi dengekî piştevaniya Werîşe Mûradî bikin û bêgunehiya girtiya siyasî ji cîhanê re ragihînin.

Hêjayî gotinêye ku Werîşe Mûradî 1’ê Adara 2023’an li Sineyê hatibû binçavkirin. Cezayê darvekirinê yê li Werîşe Mûradî di rûniştina wê ya di 16’ê Hezîran û 4’ê Cotmeha 2024’an de hat dîtin bi fermî ji parêzerên wê re hat ragihandin.