Navenda Nûçeyan – Dayikên Aştiyê yên Bakurê Kurdistanê di çarçoveya hefteya Roja Dayikan de wê bi partiyên siyasî re hevdîtin bikin. Hevdîtin wê li ser "Pêvajoya Aştî û Civaka Demokratîk", rewşa girtiyên nexweş û daxwazên dayikan pêk were.

Di nav şandeya Dayikên Aştiyê de dê Behiye Yalçın, Afife Kartal û Müzeyyen Bütün hebin. Ayşegül Doğan, Berdevka Partiya Wekhevî û Demokrasiyê ya Gelan (Partiya DEM) û Adalet Kaya, Parlamentera Partiya DEM a Amedê bi wan re bin.

Tê payîn ku dayik serdana AKP û MHP jî bikin

Serdanên ku ji bo roja Pêncşemê, 7’ê Gulanê hatine plankirin bi vê awayî ne:

Dê di saet 14:00’an de bi Partiya Pêşerojê, saet 16:00’an bi Partiya DEVA û saet 17:00’an de bi Partiya Saadetê re hevdîtinan pêk bînin. Civînek bi CHP re dê roja Înê, 8’ê Gulanê, saet 12:00’an de were lidarxistin.

Her wiha, hate destnîşankirin ku roja Yekşemê li ber girtîgehên Kurdistan û Tirkiyeyê daxuyaniyên hemwext dê werin dayîn.