Enqere - Di Komîsyona Plan û Budçeyê ya Meclîsê de nîqaşên butçeyê yên Wezareta Malbat û Polîtîkayên Civakî dest pê kir.

Di dema nîqaşê de budçeyê de parlementerên Dem Partiyê pankartên “Hevpeymana Stenbolê dide jiyandin”, “Îstîfa”, “Jin, Jiyan, Azadî” û wêneyên jinên ku hatin qetilkirin danîn ser masayên xwe.

Beriya nîqaşê parlementerên CHP’ê Semra Dînçer û Sîbel Suîçmez kefen nîşandan û qetilkirina jinan protesto kirin. Li ser kefenan navê jinên ku hatin qetilkirin hat nivîsandin. Sîbel Dînçer bang li Wezîr Mahînur Ozdemîr Goktaş kir û got: “Birêz wezîr em êdî kefenan di çenteyên xwe de hildigrin, li vir navê jinên ku hatine qetilkirin tê nivîsandin.”

Serokê Komîsyonê Mehmet Muş mudaxele kir û ji parlementera ku protesto dikir re got: “Ev der ne qada Taksîmê ye.”