Qamişlo – Bi armanca şermezarkirina salvegera 6’emîn a dagirikirina bajarê Efrînê û bi bîranîna pakrewanên Berxwedana Serdemê, li Qamişlo- Bakur û Rojhilatê Sûriyeyê, Kombenda Efrînê daxuyaniyek da. Daxuyanî li pêşiya Çarxereya Nebî Horî-Efrîn hat dayîn.

Daxuyaniya ku ji aliyê Endama Kombenda Efrînê Rojîn Îbiş ve hatî xwendin, wiha bû:

“Weke vê rojê berî 6 salan dewleta Tirk a dagirker bi alîkariya çeteyên xwe yên ji komên çekdar‏ ‏ên opozisyona îslamî, bi rûkalên medyayî û siyasî yên ku bi navê Koalîsyona Hêzên‏ ‏Şoreşê û Rikberiyê tê binavkirin, bi çekên bejayî û hewayî yên cur bi cur dest bi operasyonekê kirin. Di encama wê operasyonê de li Efrînê bi hezaran mirov hatin koçberkirin û bi sedan sûcên li dij mirovahiyê çêbûn.

‘Şerê herî dijwar û newekhev bû’

Şerê ku li Efrînê rû da, ji aliyê leşkerî û lojîstîkî ve yek ji şerên herî dijwar û newekhev‏ ‏bû, ji ber ku dewleta Tirk a dagirker ku duyemîn hêza herî mezin a NATO’yê ye û bi‏ ‏piştgiriya komên terorîst tevî vê yekê jî gelê Efrînê li gel Yekîneyên Parastina‏ ‏Gel û Yekîneyên Parastina Jin berxwedaneke mezin û bêhempa dan meşandin ku di qonaxa‏ ‏yekem de weke berxwedana serdemê tê naskirin. Di qonaxa duyemîn de, piştî‏ ‏şeş salan ji dagîrkirina Efrînê re, xelkên navçeyên Şehba tevî dorpêça rêjîma Sûriyê‏ ‏heta niha li berxwe didin û hemû bi hêvî û bi biryar in ku bi rûmeta gelê Efrînê‏ ‏vegerin.‏

‘Jin û zarok hatin qetilkirin’

‏Efrîn yek ji ewletir deverên Sûriyeyê bû di bin kontrola Rêveberiya Xweser de. Anha dewleta Tirk û endamên DAIŞ’ê‏ ‏û komên tundrew, îslamî li Efrînê wêradikin û fikrên xwe yên îslamî yên tundrew‏ ‏belav dikin. Di êrîşa li‏ ‏ser welatê zeytûnan de dibistan û nexweşxane xerakirin.‏ Zarok, jin, mêr û pîr bê merhamet hatin qetilkirin. Ev hemû binpêkirin li ber çavê‏ ‏cîhanê û rêxistin û komeleyên mafên mirovan hatin kirin.‏ Piştî dagirkirina herêma Efrînê, dewleta Tirk a dagirker dest bi pêkanîna siyaseta guhertina demografiyê kir.‏

‘Zimanê Kurdî rakirin’

‏Li cihê ku dagirkeriya Tirk zêdetirî 40 wargeh ji bo bicihkirina kesên ku hatine Efrîn‏ ‏û El-Amla ava kirin û ji bo rakirina zimanê Kurdî yê resen û zimanê‏ ‏Tirkî li ser wê ferz kirin. Heya niha jî kiryarên hovane li dijî gelên ku li Efrînê dimînin‏ ‏berdewam in, ku her cure neheqî û îşkence li wan tê kirin, ji‏ ‏dizîna zeytûnan û berhemên zeviyên çandiniyê û birîna darên‏ ‏zeytûnan piştî bidawîbûnê. yên demsalê û li ber çavê xwediyên‏ ‏erdan ku tûşî felcê dibin, ku dibe sedema mirina wan bi darê zorê.‏

Daxwaza dawîkirina binpêkirinên dijmirovî

Ji ber vê yekê em gelê Efrînê ku niha li bajarê Qamişlo ne û bi navê Komela Civakî ya Efrînê û‏ ‏Meclîsa Navçeya Qamişlo, dewleta Tirk şermezar dikin û bang li hemû rêxistinên‏ ‏mafên mirovan, parastina jîngehê û parastina zarokan dikin. Dawî li hemû binpêkirinên dijmirovî were. Her wiha‏ ‏em daxwaza rawestandina diyardeyên dagirkeriyê dikin.”

Daxuyanî bi diruşmeya “Bijî berxwedana Efrînê” bi dawî bû.

‏