Amed - Peymana Stenbolê ku jinan ji kuştin û tundiyê diparêze di meha adarê de bi biryarnameya Serokkomarê AKP’yî Tayyîp Erdogan hatibû fesihkirin. Nerazîbûn û xwepêşandanên jinan ên li dijî fesihkirina peymanê berdewam dikin. 

Komeleya Jinan a Rosa ji bo betalkirina fesihkirina Peymana Stenbolê serî li Dadgeha Bilind da û doz vekir. Komeleyê daxwazname da Dadgeha Bilind û di daxwaznameyê de destnîşan kir ku fesihkirina peymanê li dijî dewleta hiqûqê ye û ji bo mafê mirovî yên jinan were parastin ew dixwazin biryar were fesihkirin. Komeleyê di daxwaznameya xwe de diyar kir ku biryara fesihkirinê li dijî Destûra Bingehîn e û xwest birêvebirina biryarê were sekinandin.