AYA OSMAN

Hesekê - Bi dirûşma "Bawerî bi hêza jinê û parastina rol û pêşengiya wê di hemî warên jiyanê de" Tevgera Çanda Jinên Hîlala Zêrîn a Bakûr û Rojhilatê Sûriyê Navenda Kezwan a Hîlala Zêrîn a Kantona Hesekê li taxa Nasra ya bajarê Hesekê- Bakûr û Rojhilatê Sûriyê berî du rojan bi merasîmekê hat vekirin. 

Xelat Xidir a cihê xwe di rêveberiya Navenda Kezwan a Jinên Hîlala Zêrîn ku nû hat vekirin de digire girêdayî xebatên wan ên bi vekirina navendê re li Hesekê bên kirin ev agahî da: “Armanca me ya vekirina Navenda Kezwan ji bo li Hesekê û derdora wê em bikarin hîn xebatên jinan ên hunerî dibin banê vê navendê de bigihînin hev e. Emê li nava taxan bigerin û xebatên jinan ên hunerî berhev bikin. Pêdiviya me bi parstina ziman û kevneşopiyên me yên bi rêbazên çanda devkî xwe gihandine van rojan heye. Hewceye em jî erka xwe bi cîh bînin û ji niha û şon de nedin windakirin. Ev jî bi rêxistinkirina xebatên çandê yê jinan pêkane. Ji ber em hemû dizanin parêzvanê sereke yê çand û zimanê me jine, dema ew hunera wan a bi awayek xwezayî derdikeve dibiniya navendek wiha de bê berhev kirin dikare hîn zêdetir berhemên bi hêz jê derkeve. Jin çiqas pêşketîbe çand û kevneşûpiyên me jî pêre pêşdikeve, emê jî ji bo pêşdebirina xebatên hunerî yê jinan vê navendê bikin cihê perwerde û pêşdebirinê. Ez spasiya her kesê ku keda wan di ber avakirina navendê de heyî dikim.”