نەغەم چاچان 

 

قامیشلۆ-ژنێکی تەمەن ٧٠ ساڵ، بە هەموو دڵ و گیانییەوە، چیرۆکی ژیانی خۆی لە پەرتوکێکدا بە ناوی "Serpêhatiyên Jineke Kurd" "سەرگەرمی ژنێکی کورد" نووسیوە، ئەم  پەرتوکە تەنیا چیرۆکی ژیانی فەوزیە نییە، بەڵکو لاپەڕەیەکە خوێن و خەم و سەختی تێیدا نووسراوە. هەر نامەیەکی ئەم پەرتوکە ڕەنگدانەوەی هەستەکانێتی، هەستێک کە دەتوانێت ڕێگە بدات هەر کەسێک کە ڕووبەڕووی بارودۆخی سەخت دەبێتەوە خۆی بدۆزێتەوە و هیوایەک بدۆزێتەوە.

 

فەوزیە حاجی بەرکۆ ژنێکی کوردە و تەمەنی ٧٠ ساڵە و دانیشتووی شاری قامیشلۆیە، سەبارەت بە چیرۆکی پەرتوکەکەی بۆ ئاژانسەکەمان قسەی کرد.

 

فەوزیە حاجی بەرکۆ باسی لە هاوسەرگیری منداڵان کردو وتی: من خەڵکی شاری عامودام، بەڵام لە شاری قامیشلۆ دەژیم، لە تەمەنی ١٦ ساڵیدا هاوسەرگیریم کرد، لە ڕابردوودا وا بوو، هەموو خێزانەکان لە تەمەنێکی بچووکدا کچەکانیان هاوسەرگیری پێدەکرد، هەرگیز نەمدەزانی هاوسەرگیری چییە، پرسیارم لە دایکم کرد کە ئایا پێویستە بەدوایدا بگەڕێم ئەو کەسە، دایکم وتی نەخێر، گرنگ ئەوەیە کە پیاوێکە و لە خێزانێکی باشە هاوبەشەکەم لە گوند بوو، ژیانی گوند زۆر قورس بوو بۆ من کاتێک بۆ یەکەمجار چوومە گوند زۆر ترسام.

 

"ئەوان قبوڵیان نەکرد چونکە ناوەکەی بە کوردی بوو"

فەوزیە حاجی بەرکۆ، وەک ژنێکی کورد، بەدەست زوڵمی ڕژێمی بەعسەوە دەناڵێنێت و لەو بارەیەوە وتی: ئێمە زۆر ئازاری ڕژێمی بەعسمان چەشت، کاتێک چووم کوڕەکەم ببەم بۆ خوێندنگەە، ئەوان قبوڵیان نەکرد، چونکە ناوی بەکوردی بوو، کوڕە گەورەکەم لەبەر خۆشەویستی بۆ ڕێکخراو چووە قەندیل، بەڵێ کوڕەکەم ڕۆیشت، بەڵام من پەشیمان نیم، کوڕەکەی ترم لەلایەن ڕژێمی بەعسەوە خرایە زیندان تا گیانی لەدەستدا، ئازارەکانم بۆ هەمیشە لەگەڵمدا دەژین. وەک قۆڵ و قاچ و چاو وایە، بۆ هەمیشە لەگەڵمدا دەمێنێتەوە. تەمەن هەرگیز ئازارەکانم لەبیر ناباتەوە، ئازار لەبیرناچێتەوە، لەڕێگەی چاو و دەست و پێیەوە قسەمان لەگەڵ دەکات.

 

"مامۆستایەک چیرۆکی ژیانمی بۆ نووسیم"

فەوزیە حاجی بەرکۆ ڕایگەیاند کە ئەم پەرتوکە چیرۆکی ژیانی خۆیەتی و لە درێژەی قسەکانیدا وتی: ناوی پەرتوکەکەم  ’Serpêhatiyên Jineke Kurd’ ە، واتە ئەو شتانەی بەسەر ژنێکی کورددا هاتووە، ناوی پەرتوکەکەم لەوەوە هاتووە، مامۆستایەک چیرۆکی ژیانمی بۆ نووسیم و کردوویەتی بە پەرتوک، نزیکەی ساڵێکی پێچوو تا نووسیم، بە زمانی کوردی نووسراوە. بەڵام هێشتا ئامادە نییە ئامانجم لە نووسینی ئەم پەرتوکە ئەوەیە کە ساتەکانی ئازاربەخش و سەخت و دڵخۆشکەرم بنووسم بۆ ئەوەی نەوە نوێیەکان بزانن لە چیدا ژیاوین، پێویستە هەموو ژنێک چیرۆکی ژیانی خۆی لە پەرتوکێکدا بنووسێت.

 

"ڕۆژنامەنووس دەتوانێت شایەتحاڵی ئەو ڕووداوانە بێت کە ژنان پێیدا تێدەپەڕن"

فەوزیە حاجی بەرکۆ ڕایگەیاند کە نابێت ژنان هەرگیز توندوتیژی قبوڵ بکەن و لە کۆتایی قسەکانیدا وتی: داواکاری من ئەوەیە کە ژنان هەرگیز نابێت توندوتیژی قبوڵ بکەن، پێویستە هەموو ژنێک ئەو شتانە باس بکات کە پێیدا تێدەپەڕێت، بۆ هەر نەوەیەک کە دێتە ژیانەوە، سەیری ئەو ئازار و مەینەتییە بکەن کە ژنان لە ڕابردوودا ڕووبەڕووی بوونەتەوە، لە ڕابردوودا هیچ شتێک نەبوو شایەتحاڵی ئەو ڕووداوانە بێت کە ئێمە پێیدا تێدەپەڕین وەک نووسەرێک دەتوانێت بنووسێت، ڕۆژنامەنووسێک بە پێنووس و کامێراکەی دەتوانێت شایەتحاڵی ئەو ڕووداوانە بێت کە ژنان پێیدا تیدەپەڕن.