لارا گەوهەری

 

مهاباد- خەڵکی خوی لە دوای ئەو بوومەلەرزەیەی کە لەم دواییەدا ڕوویدا، زیانێکی زۆری ماددی و ڕۆحییان بەرکەوتووە، یەکێک لە کێشە چارەسەرنەکراوەکانی خەڵک نەبوونی کابینەی بوومەلەرزە، چادر و خۆراک، نەبوونی ئاسایشی داراییە، سەرۆک و ژمارەیەک لە سەرکردەکانی حکومەت چوونەتە شوێنی بوومەلەرزەکە و بەڵێنیان بە خەڵکەکە داوە، بەڵام لە پراکتیکدا هیچ بەرپرسیارێتییەک لە بەرامبەر خەڵکدا نییە، خەڵکی خوی دەستیان بەسەردا نەگرتووە.

 

"جێگری سەرۆک بەڵێنی ناردنی چەندین ترێلە هاوکاری داوە، بەڵام هیچی نەگەشت"

شوهرە قاسمی یەکێکە لە زیانلێکەوتووانی بوومەلەرزەکە و دەڵێت: جێگری سەرۆک کە هاتە شاری خوی، بەڵێنی بە خەڵک دا چەند ترێلەیەکی پڕ لە پیداویستی بنێرن، چەند ڕۆژێک دواتر یەکێک لە ئەمیندارەکانی شارەکە بە پێنج پیکاب پێشوازی لە بەخشینەکانی حکومەت کرد، بەڵام ئەوەی گەیاندرا تەنها ترێلەیەک بوو کە یەک پیکابی پڕ کرد و ئەوانی دیکە بە بەتاڵی گەڕانەوە، تا ئێستا هیچ یارمەتیەکی دیکەمان لە حکومەت وەرنەگرتووە و تەنها یارمەتی گشتیمان وەرگرتووە.

 

شهرە سەبارەت بە ژیانی ناو چادر و سەختی دۆخەکە وتی: هەندێک لە ماڵەکان چەند چادرێکیان هەیە، بەڵام هەندێک لە ماڵەکان چادریان نییە، دوای بوومەلەرزە گشتییەکە بانگەشە کرا کە خواردنی بێبەرامبەر بۆ خەڵک دەکوڵێنرێت، ئێمە چووین تا خواردن وەربگرین، چەند ڕۆژی یەکەم خواردنیان دا، بەڵام دواتر خواردنەکە بڕدرا، خەڵک جارێکی تر ناڕەزایەتیان دەربڕی، ژمارەی خۆراکەکان ئەوەندە کەم بوو، کە بۆ خێزانێکی چوار نەفەری تەنها دوو خواردن دەدرا.

 

"ئێمە گەڕاینەوە بۆ ماڵەکەمان بەهۆی گرانی کابینەکان و نەبوونی چادر"

سەرەڕای مەترسی دروستبوونی پاشبوومەلەرزە، زۆرێک لە خەڵکی خوی گەڕاونەتەوە بۆ ناو ماڵەکانیان لە خوی، چونکە شوێنی مانەوەیان نییە و کامپەکانی ئێستا ستانداردی دیاریکراویان نییە، مریەم کەرەمی دەڵێت: هەندێک ماڵ بەشێکی یان هەمووی ڕووخاوە و کەس تێیدا ناژی، ماڵەکەمان زیانێکی کەمی بەرکەوتووە، هەرچەندە هێشتا بوومەلەرزەی دیکە ڕوودەدات، بەڵام بەهۆی زۆری تێچووی چادر و نەبوونی کابینەکانەوە، گەڕاوینەتەوە بۆ ماڵەکەمان.

 

هەروەها دەربارەی دۆخی خەڵک لەناو کابینەکاندا دەڵێت: زۆربەی خەڵک داوای کابینە دەکەن، بەڵام حکومەت هیچ پلانێکی نییە بۆ دابەشکردنی ئەو کابینەیە، مامی من کابینەیەکی بچووکی بە شەست ملیۆن تمەن کڕیوە، نرخی هەندێک لە کابینەکان گەشتووەتە سەر ملیۆن، داڵدەگاکان گەیشتوەتە سەد ملیۆن تۆمان، خەڵک ڕۆژانە خۆراک دەخۆن و پێویستیان هەیە، هەموو دوکان و بازاڕەکان بەڕووی مارکێتەکاندا دادەخرێن، حکومەتیش وەڵامی داواکارییەکانی ئێمە نادەنەوە.

 

"حکومەت وەڵامی داواکاری خەڵک ناداتەوە"

شیما لوتفی سەبارەت بە ئاسایشی شارەکە دەڵێت: دەنگۆی ئەوە بڵاوبووەتەوە کە بوومەلەرزەکە جارێکی دیکە ڕوودەداتەوە، بۆیە خەڵک شارەکە بەجێدەهێڵن، ئەمەش وایکردووە زۆرێک لە دزەکان بێنە ناو شار و لە ماڵەکاندا دزی بکەن، هێزە ئەمنییەکان و بەرپرسەکان ئاسایشی ژیانی ئێمەیان دابین نەکردووە.

 

شەهربانو مەنسوریان، پاڵەوانی جیهانی ووشو، کە چوار میدالیای زێڕی هەیە لە پاڵەوانێتی جیهانی ووشو. لەم دواییانەدا یەکێک لە مەدالیای پاڵەوانێتییەکانی بۆ ئاسانکاری فرۆشتووە و لەلایەن خەڵکەوە وەک هێزێکی خۆبەخش یارمەتی دراوە، هەروەها لە شارەکانی بۆکان، مهاباد، سەردەشت، پیرانشار و ئورمیە، خەڵک هاوکاری گشتی بۆ قوربانیانی بوومەلەرزەکە ناردووە.