زیندانییانی ژن لە زیندانی ژنانی ئامەد ئەشکەنجە دەدرێن و یەکێک لە ژنە زیندانییەکان چیتر نەیتوانی بەرگەى ئەشکەنجەکان بگرێت، هەوڵیدا کۆتایی بە ژیانی خۆی بهێنێت.

ناوەندی هەواڵ

 

لە زیندانەکانی باکوری کوردستان و تورکیا پێشێلکردنی مافی زیندان بەردەوامی هەیە و سەرەڕای فشارەکان بۆ سەریان ئەشکەنجەش دەدرێن.

 

ئەسما داغلی لە زیندانی ژنانی ئامەد بەهۆی ئەو فشارە زۆرانەی خرابووە سەری هەوڵی دا کۆتایی بە ژیانی خۆی بهێنێت، داغلی لەگەڵ منداڵەکەیدا لە زیندانە و لەبەر ئەوەی ئیدی بەرگەى ئەشکەنجەکانی نەگرت، هەوڵیدا کۆتایی بە ژیانی خۆی بهێنێت، دوای ئەوەى پاسەوانەکان بە هەوڵەکەیان زانی دەستیانکرد بە لێدانی و هەوڵەکەیان پەردەپۆش کرد.

 

بەپێی ڕاپۆرتەکان، ژنێکی دیکەی زیندانیی بەناوی مەلیکە جانگی، کە نەخۆشیی دەروونیشی هەیە، لەلایەن بەڕێوەبەرایەتیی زیندانەوە هەمیشە بە ڕووتی لە ژووری تاکەکەسیدا رادەگیرێت و دەرمان و خۆراکیشی پێنادەن.