هێلین خۆبوون

 

ئیتاڵیا- ماریلو ماسترۆگیۆڤانی، دامەزرێنەری کۆڕبەندی ژنانی ڕۆژنامەنووسانی دەریای سپی هەڵسەنگاندنی بۆ دۆخی ئەم دواییەی سووریا، هێرشەکانی دەوڵەتی تورکیا بۆ سەر باکوور و ڕۆژهەڵاتی سووریا بۆ ئاژانسەکەمان کرد.

 

ئاماژەی بەوەکرد، ئەوانەی گرنگی بە مافەکانی مرۆڤ و مافەکانی ژنان دەدەن، پرسیاری ئەوە دەکەن کە ئەمڕۆ لە سووریا چی ڕوودەدات و وتی: مۆدێلی ڕێکخستنی سیاسی و کۆمەڵایەتی ئایندەی سووریا چۆن دەبێت، ڕەنگە لەبیریان بچێت کە مۆدێلێکی سیاسی کۆمەڵایەتی مۆدێرن کە ١٢ ساڵە بوونی هەیە، ئەو کارە دەکات، لە باکوور و ڕۆژهەڵاتی سووریا، لە ڕۆژئاوا، مۆدێلێکی کۆنفیدرالیزمی دیموکراتیک هەیە، ئەم مۆدێلە لەسەر بنەمای پێکەوەژیانی ئازاد و ئاشتیانەی گەلان و کولتوورەکان دامەزراوە، مۆدێلی عەلمانی لەسەر سێ پایەی دیموکراسی، ئازادی ژنان و ئیکۆلۆژیا بونیاد نراوە.

 

"یۆتۆپیایەکی ڕاستەقینە هەیە بە ناوی ڕۆژئاوا"

ماریلو ماسترۆگیۆڤانی ئاماژەی بەوەشکرد، دروشمی "ژن، ژیان، ئازادی" هێمای ئەمەیە،  پێویستە ڕێکخستنێکی کۆمەڵایەتی و سیاسی بۆ داهێنان لە خوارەوە بۆ سەرەوە دابمەزرێت و وتی: ڕێکخستنێک کە ئازادی ژنان لە ناوەند دابنێت، کە لەلایەن ژنان و هەروەها پیاوانەوە پێکهێندراوە کە پێکەوە کۆمەڵگەیەکی ئازاد دوور لە پیاوسالاری بونیاد دەنێن، یۆتۆپیایەکی ڕاستەقینە هەیە بە ناوی ڕۆژئاوا، ڕێکخستنێکی سیاسیی ئۆتۆنۆم، خەونی ئازادی، ڕێکخراوێک کە لە خوارەوە لەسەر پێداگۆژی گۆڕانکاری دامەزراو بێت، ڕێکخراوێک کە ژنان لە ناوەند دادەنێت و ڕزگارکردنی ژنان لە هەموو جۆرە چەوساندنەوەیەک، ڕێکخستنێک لەسەر دوو سەرکردایەتی دامەزراوە: هەموو فەرمانگەکان لەلایەن ژن و پیاوێکەوە بەڕێوەدەبرێن، هەمیشە دوو کارگە هەیەم لەسەر بنەمای ژنۆلۆژی، زانستی ژنانە: مۆدێلێکی ئیپیستمۆلۆژییە، بەڵام لە هەمان کاتدا شێوازێکی نوێی بینینی واقیع لە چاوی ژنانەوە کە پێشتر نەکراوە.

 

"مۆدێلێکی کۆمەڵایەتییە بۆ سووریا"

ماریلو ئاماژەی بەوەدا سووریا پێویستی بە مۆدێلێک هەیە، مۆدێلێکی کۆمەڵایەتی و سیاسی ڕێکخراوێکی عەلمانی لەسەر بنەمای پێکەوەژیانی ئاشتیانە و وتی: هەروەها لە هێلانەی گەلان و کولتوورەکان کە لە سووریادایە، بەڵام مەبەستم ڕۆژهەڵاتی ناوەڕاستە، مۆدێلێک کە کاردەکات و ئێستا بوونی هەیە، ئەمڕۆ لە ژێر هەڕەشەدایە، بەناوی کۆڕبەندی ژنانی ڕۆژنامەنووسانی دەریای سپی دڵتەنگی زۆر دەردەبڕین، ئەگەر ترسی ئەوە نەبێت کە لەوانەیە ڕووبدات، ئەوە لەبەر ئەوەیە کە لە ئێستاوە ڕوودەدات.

 

"ئەوانە لەلایەن دەوڵەتی تورکیاوە بە هاوکاری گروپە جیهادیەکان ئەنجام دەدرێن"

ماریلو ڕوونیشی کردەوە کە کۆمەڵکوژیی نەتەوەیی لە سووریا ڕوودەدات و وتی: سەرەتا ژنانی تەڤگەری ئازادی ژنانی ڕۆژائاوا ئامانجی فڕۆکە بێفڕۆکەوانەکانی تورکیان، ناوەندە کوردییەکان دەکرێنە ئامانج، هەر بۆیە پاکتاوکردنی نەتەوەیی لەلایەن دەوڵەتی تورکیاوە دەکرێت بەڵام لەلایەن گروپە جیهادیەکان و سوپای نەتەوەیی سووریاوە تاڵانکردن، لەناوبردن، سووتاندنی دار زەیتون کە سەرچاوەیەکی گرنگی بژێوی ژیانی گەلی کوردە، بەتایبەتی بناغە نەتەوەییەکان، بۆیە نیگەرانی قووڵی خۆمان دەردەبڕین، ئێمە پشتیوانی لە تەڤگەری ئازادی ژنانی کورد دەکەین و هیوادارین مۆدێلی ڕێکخستنی کۆمەڵایەتی و سیاسی ڕۆژئاوا پارێزراو بێت و لە ڕاستیدا ببێتە مۆدێلی ئاماژە. نەک تەنها بۆ سووریا بەڵکو بۆ ڕۆژهەڵاتی ناوەڕاستیش.