ناوەندی هەواڵ

 

ئێوارەی دوێنێ لە گوندی سیامێوەی سنوری شارەدێی ناڵپارێز لە شارۆچکەی پێنجوێن، ژنێکی تەمەن ٢٠ ساڵان کۆتایی بە ژیانی خۆی هێنا، بە پێی زانیارییەکان ژنە گەنجەکە ناوی شەنگە عەبدولخالقە و خەڵکی گوندی سیامێوە.

 

هۆکاری خۆکوشتنەکەی شەنگە نازانرێت، بە وتەی کەسوکارەکەی بە پۆلیسی شارۆچکەی پێنجوێن دراوە، شەنگە ماوەی مانگێکە تووشی خەمۆکی بووە.

 

لە هەر ڕووداوێکی کوشتن و خۆکوشتنی ژنان هۆکارەکانی شەرەف، کێشەی کۆمەڵایەتی، نەخۆشی دەروونی و خەمۆکی دەدرێتە پاڵ ژنی کوژراو، بەپێی ئامارەکان ساڵی ٢٠٢١ بەراورد بە ساڵی ٢٠٢٠ ڕێژەی ٪٢١.٧ توندوتیژی زیادی کردووە، توێژەرانیش دەڵێت، هۆکاری سیاسی، کۆمەڵایەتی، ئەقڵیەتی پیاوسالاری و ڕەگەزگەرا هۆکارن بۆ کوشتن و ناچار بە خۆکوشتنی ژنان.

 

ت.پ