ژنانی گوندی بۆگدمان بە پیادە دەگەڕێنەوە بۆگوندەكەیان
لەسنووری شارۆچکەی كۆیە خەڵكی گوندی بۆگدمان ساڵانە بۆ زیندوو هێشتنەوەی نەریت و کولتووریان بە پێ بەرەو گوندەکەیان بەڕێ دەکەون.
کۆیە- ساڵانە خەڵکی گوندی بۆگدمانی شارۆچکەی کۆیە، بەگەنج و بەتەمەن و منداڵەوە، ٣٥ كم دەبڕن و بەروەو گوندەکەیان دەچن، ئەوەش بووەتە جێی سەرنجی خەڵكی ناوچەکە و خەڵكی شاریش لەگەڵیان بەڕێ دەكەون بۆ گوند.
ڕۆژی ٣ی نیسانی ٢٠٢٥، بەدروشمی "ڕوو لە ئاسۆی ڕوون بۆ تیشکی ھەتاو بەرەو بۆگدمان ھەنگاو بە ھەنگاو" بیستەمین گه‌شتى به پیاده گه‌ڕانه‌وه له شارۆچکەی كۆیه‌وه بۆ گوندى بۆگد بەسەرپەرشتی گروپی شاخەوانی بۆگد وچالاکوانانی بەڕێوەچوو ئەوەش وەك وەفایەك بۆ داپیران و باپیرانیان.
"ڕێژەیەکی زۆر لە ژنان بەشدارن"
كوێستان جەلال، مامۆستای وەرزشەو بەشداری پیادەڕەوییەکە بوو وتی: خەڵكی بۆگدم و لەكۆیە دادەنیشم ئەوە بۆ سێیەم جارە بەشداری گەڕانەوە بۆ گوندەكەمان دەكەم، ڕێژەیەكی زۆر لە ژنان بەشدارن لەگەڵمان، وئامانجامان لەو ڕێپێوانە زۆر لەیەن دەگرێتەوە لایەنی كۆمەڵاتیەكە و دابونەریتێکی جوانە و ئاشنا كردنی نەوەی داهاتوو بە ژیانی كۆنی داپیران و باپیرانمان، هاوكات وەك داپیران و باپیرانمان دەگێڕنەوە ئەوان لەم ڕێگەیە هاتوچۆیان كردووە بە پێ وهاتونەتە شار وگەراوەتنەوە دوای تەواوو بونی كارەكانیان، ئەوەش كەمترین وەفایە بۆ ئەوانی بكەین كە ڕۆژێك بە پێ وەك ئەوان بڕۆین.
شۆخان جەلال، پیشەی مامۆستایەو بەشداربوویەكی دیكەی گروپەکەو وتی: زۆر خۆشحاڵم وەك ساڵانی پیشوو ئەمڕۆش بەردەوامم لەم ڕۆیشتنە بۆ گوندەكەمان و هیوادارم هەمو ساڵێك بەردەوام بێت، بەشداری ژنان لەم چالاكیانە گرنگی تایبەتی هەیە چونكە ژن سومبلی جوانیە و بەتایبەت كە لەوبەهارە ئەوگەشتە ئەنجام دەدەین ژنان گەشتەكە ئاڵو واڵاو جوانتر دەکەن و ژنانی كۆیە دەستێكی باڵایان هەیە لەو چالاكیانەدا.
ئاراس خالید، سەرپەرشتیاری گەشتی گەڕانەوە بۆ گوندی بۆگد لەبارەی پیادەڕۆیشتنەکەیان وتی: ئێمه‌ى بۆگدییه‌كان بۆ ئەمساڵیش لەڕۆژی ٣ی نیسان بیستەمین گه‌شتى به پیاده بە بەشداری زیاتر لە ١٥٠ كه‌س کە ٥٠یان ژن بوون و بچووکترینیان منداڵێكی ٨ ساڵان وگەورەترینیان پیاوێكی ٧٥ ساڵ بوو ئەنجامدرا وجگە لە خەڵكی بۆگد خەڵكی دیكەش بەشدارن.
وتیشی: گه‌شته‌كه له‌لایه‌ن گروپی شاخەوانی بۆگد و چالاکوانانی بۆگد سه‌رپه‌رشتى كرا، سه‌ره‌تا له به‌یانیه‌كى زووه‌وه له لە شاری كۆیەوە به‌ڕێكه‌وتین، دوورى نێوان كۆیه و گوندى بۆگد(٣٥كم)ه ودوای گەیشتنبەگوندی و پشوو ونان خواردن بە پاس خەڵكەكە دەگەڕێنینەوە شار، ئامانجمان لەو پیادەڕەوییە له گه‌ڕانه‌وه‌كه‌مان ڕێگه‌ى سه‌ره‌كیمان هه‌مان ئه‌و ڕێگه‌یه بوو كه داپیران و باپیرانمان ساڵانێكى زۆر به پیاده‌ڕەویی به‌م ڕێگه‌یه‌دا هاتووچۆیان كردووه بۆ شارى كۆیه وكارەكانیان كردووە، لە شاریشەوە هەر بەو ڕێگەیە دا هاتون شتیان هێناوە بۆگوند، بەلای ئێمە زیندووكردنەوەی ئەو یادەوەریانە بەنەوەی داهاتوو وەفایەكە بۆ بۆ داپیران و باپیرانمان هاوكات پێزانینی جیلی دوای خۆمانە بەو داب و نەریتانەو تێگەیشتن لەوەی كە ژیانی جاران چەند زەحمەت بووە لەگەڵ ئێستادا، هاوكات لەم گەشتە چەند جارێك شانۆ پیشكەش دەكەین كە ئەو سروشتە جوانەی هەمانە چۆن بیپارێزین و ژینگەكە بیپارێزین.