ناوەندی هەواڵ

 

ڕۆژی هەینی ٢٦ی مانگ لە بەردەم زانکۆی هەڵەبجە لە شاری هەڵەبجە، ڕێکخراوی ژنانی گەنجی تێکۆشەر و کۆمەڵەی گەنجانی وڵاتپارێز لە درێژەی هەڵمەتی "کات کاتی ئازادییە" و لە دژی پیلانگێڕی نێودەوڵەتی، کتێبەکانی ڕێبەری گەلی کورد عەبدوڵا ئۆجالانیان بڵاوکردەوە.

 

بە دانانی ستاندی کتێب لەبەردەم زانکۆدا و بە بڵاوکردنەوەی کتێبەکانی بیر و تێزەکانی ڕیبەری گەلی کورد، ژنانی گەنج و گەنجان هەوڵی وشیارکردنەوەی گەنجانیان دەدەن لە شاری هەڵەبجەدا، هەروەها لە ماوەی ڕابردوودا لە شار و شارۆچکەی دیکەی باشوری کوردستان ستاندی کتێبیان داناوە.

 

لە ستاندەکەدا، کتێبی فکر و تێزەکانی ڕێبەری گەلی کورد، ژیانم هەمیشە تێکۆشان بوو(ساکینە جانسز)، ژنۆلۆژی و نامیلکەکانی بڵاوکرانەوە.

 

ت.پ