بەهاران لاهیب

 

کابول-دژی بڕیاری "وەزارەتی ڕێگریکردن لە بێ ڕەوشتی و بەرەوپێشبردنی ڕاستگۆیی" کە لە ئەفغانستان دەرچووە و تیایدا بیستنی دەنگی ژنانی بە شەرمەزارکەر ناوبردووەو قەدەگەی کردووە ژنان لە شوێنە گشتییەکان دەنگیان ببیسترێت و قسە بکەن، ژنان چالاکییەکانیان زیاتر کردووە.

 

دژی قەدەغەکردنەکە کە لە هەموو جیهاندا ناڕەزایی لێکەوتەوە، هەزاران ژنی ئەفغانی لە تۆڕە کۆمەڵایەتییەکان ڤیدیۆ بڵاودەکەنەوە کە بە هۆنراوەو و گۆرانی بە هاشتاگی #AWomansVoiceIsNotAwrat یاسای نوێی تاڵیبان ئیدانە دەکەن.

 

ڕوقیە سادقی، ڕۆژنامەنووس و داکۆکیکاری مافی ژنان، یەڵدا ئەحمەد، دەروونناس و چالاکی مافی ژنان و مینا عەسکەر، چالاکوانی مافی منداڵان بە هۆنراوەیەک کە خوێندویانەتەوە، ئەم یاسایەیان شەرمەزار کرد.