ناوەندی هەواڵ

 

ڕیکخراوی پشتیوانی ڕۆژنامەنووسانی ئەفغانستان (AJSO) لەبارەی دەستگیر کردنی ژنە ڕۆژنامەنووسێکی ئەفغانی لە پاکستان ڕاگەیەندراوێکی بڵاوکردەوەو تێیدا هاتووە: دوێنێ ١٥ی نیسان ژنە ڕۆژنامەنووسێكی ئەفغانی بە ناوی فریشتە سەدید لەلایەن پۆلیسی پاکستانەوە دەستگیر کراوە و ڕەوانەی زیندان کراوە.

 

ئاماژە بەوەشکراوە، هەڵسوکەوتی پۆلیسی پاکستان هەڕەشەیەکی ئاشکرایە بۆ سەر مافەکانی پەنابەران، ئازادی ڕادەبڕین، مافەکانی مرۆڤ و بنەماکانی ڕۆژنامەگەری.

 

باس لەوەشکراوە، داوای ئازادکردنی دەستبەجێی ڕۆژنامەنووسەکە دەکەین و داوا لە دەزگا نێودەوڵەتییەکان دەکەین پرۆسەی پێداچوونەوە بە دۆسییەی ڕۆژنامەنووسانی ئەفغانستان خێراتر بکەن و پشتیوانییەکان فراوانتر بکەن، ڕێوشوێنی دەستبەجێ و کرداری بگیرێتەبەر بۆ دابینکردنی ئاسایشی ڕۆژنامەنووسان.