ناوەندی هەواڵ

 

 پارتی ئازادیی ژنانی کوردستان (پاژک) سەبارەت بە ٨ی ئادار، ڕۆژی جیهانی تێکۆشانی ژنان و بانگەوازی ڕێبەری گەلی کورد عەبدوڵا ئۆجالان ڕاگەیەندراوێکی بڵاوکردەوە.

 

 ڕاگەیەندراوی کۆردیناسیۆنی پاژک بەم شێوەیەیە:

 لەکاتێکدا بە جۆش و خرۆشی ٨ی ئادار ئاهەنگی بەهاری نوێ دەگێڕین، بە ڕێز و خۆشەویستی و سوپاسگوزارییەوە هەموو ئەو ژنە شۆڕشگێڕانەمان یاد دەکەینەوە کە لە پێناو ئازادیدا خەباتیان کرد و بەهای دیموکراسی و سۆسیالیستییان دروستکرد، لە ڕۆزاوە تا کلارا، لە ساراوە تا ئاسیا.

 

 خەباتی ئێمە بۆ ئازادیی ژنان لە ڕێگەی خەبات و زەحمەتکێشان و شەڕی گەورەی هەڤاڵ ساکینە جانسز (سارا) و شوێنکەوتووانییەوە شێوەی گرت و گەشەی کرد، لە بەرامبەر دونیای پیاوسالاریدا، دەسەڵاتی بنیاتنانی ئازادی لە ڕێگەی دونیا و عەقڵیەتی ژنانەوە سەریهەڵدا، ئەم ڕێپێوانە شایستەی ژنان ئەمڕۆ لە کوردستان گەیشتە ئاستی جیهانی خۆی، ئەو ڕاستیانەی کە لە ڕێگەی خەباتی ژنانەوە سەریان هەڵدا، ئازادی ژنیان کردۆتە هەوێنی ژیانێکی ئازاد، لەسەر ئەم بنەمایە ٨ی ئادار، ڕۆژی جیهانی ژنان لە هەموو ژنان، لە هەڤاڵانمان کە ماندوو نەناسانە لە زیندانەکان، لە هەموو بوارەکاندا بەبێ وچان بەرخۆدان دەکەن، لە گەلەکەمان و دۆستەکانمان پیرۆز بێت.

 

 ‘ژن دروستکەری کولتوور و کۆمەڵگەیە، هەربۆیە پیرۆزی و خوداوەندی هی ژنانە’

 ئێمە بە دیار مانیفێستی ڕێبەر ئاپۆ بۆ ئاشتی و کۆمەڵگەیەکی دیموکراتیک بۆ ژن و گەلانی کورد دەچینە ناو بەهارێکی ترەوە.

 

 نامەکەی ڕێبەر ئاپۆ بۆ پاژک کە تیایدا ڕایگەیاندووە سەرکەوتن لە بنیاتنانی ئەم پڕۆسە نوێیە پەیوەستە بە ژنانەوە، گەیشتووەتە دەستمان، ڕێبەرمان وتوویەتی: پرۆسەی کۆمەڵگەی دیموکراتیک، دۆخی مۆدێرنی کۆمەڵایەتیی دایک-ژنە، باس لەوە دەکات، تا ئەو کولتوورە خراپەکارییەی بەسەر کۆمەڵگەی داواکاردا سەپێنراوە، تێنەپەڕێنرێت، حەقیقەت بە هەموو لایەنەکانییەوە لە بوارەکانی فەلسەفە، زانست، ئەخلاق، جوانیناسی، ئاییندا دەرناکەوێت، تا لە سەردەمی نوێدا کولتوری باڵادەستی پیاوان کە لە قووڵایی کۆمەڵگەدا شاراوەتەوە هەبێت، سۆسیالیزم سەرکەوتوو نابێت،  ڕیشەی شکستی سۆسیالیزمی واقیعی کێشەکانی دەوڵەت و نەتەوە و دیموکراتی نییە، بەڵکو کۆیلایەتی ژنە کە وەک کولتوورێک ئەزموون دەکرێت، مەرجی بنەڕەتی سۆسیالیزم پەیوەستە بە پەرەپێدانی ڕێبازێکی بەرنامە بۆ داڕێژراو بۆ پەیوەندییەکانی نێوان ژن و پیاو، پیاوێک کە نەزانێت قسە لەگەڵ ژنان بکات، ناتوانێت سۆسیالیست بێت و پێوەرێک دابنێت، لەگەڵ دوورکەوتنەوەی ژنان لەو کولتوورە کۆیلایەتییەی کە لە مێشکیاندا چێنراوە، مردن و برسێتی وەک چارەنووس لەبەردەمیان دەنووسرێت و بەرەنگاربوونەوەی ئەم چارەنووسە گوزارشت لە گەورەیی کەسایەتی ئازادی ژن دەکات، ژن خوڵقێنەری کولتوور و کۆمەڵگەیە و هەر بۆیە پیرۆزی و خودایی هی ژنە.

 

 ئەم ڕێبازەی ڕێبەر ئاپۆ، کە هێز و ئازایەتی لە هەمووماندا دەچێنێت، گوزارشت لە ڕاستی ژیانێکی ئازاد دەکات لەگەڵ ژنێک کە هەرگیز دەستبەرداری بەها کاریگەرەکانی نەبووە، ئەو پرەنسیپە بنەڕەتی ژیانە کە ژن لەسەر پێی خۆی دەهێڵێتەوە.

 

'"لە سایەی ڕێبەر ئاپۆ، ژنان لە ڕێگەی ڕێکخستنەوە ئیرادە و هۆشی ئازادییان بەدەستهێنا"

 بنیاتنەریی تیۆری و پراکتیکی تەڤگەری ژنانی کوردستان ڕێبەر ئاپۆیە، لە سایەی ڕێبەر ئاپۆ، ژنان لە ساڵی ١٩٨٧ەوە بوونەتە هێزێکی ڕێکخراو و لەسەر بنەمای ڕوانگەی ئازادیی ژن، ئیرادە و هۆشی ئازادیان بەدەستهێناوە، ڕێبەری ئێمە کە لە ٨ی ئاداری ١٩٩٨دا ئایدۆلۆژیای ڕزگاریخوازی ژنانی ڕاگەیاند، دەرفەتی بەو ژنانەدا کە بێ ئایدۆلۆژیا و ڕێکخستن مابوونەوە، کە بە بیر و ئایدۆلۆژیای خۆیان ژیانێکی نوێ بەڕێوەببەن. ڕێبەرایەتی واتایەکی نوێی بە هەموو ٨ی ئادارێک بەخشیوە، کە قۆناغێکی نوێیە بۆ شۆڕشی ژنانمان،  هەروەها ٨ی ئاداریی ئەمساڵ بانگەوازی ئاشتی و کۆمەڵگەیەکی دیموکراتیک بەڕێوەدەچێت، ئاشتی و ژیانێکی ئازاد بۆتە حەسرەتی هەمیشەیی لە جوگرافیای کوردستاندا، هەزاران ژن خەباتیان کردووە بۆ بەدیهێنانی ئەو حەسرەتە، باجی زۆریان بۆ خەونی دیموکراتی و سۆسیالیزم داوە، ئازادی ژنانیان کردۆتە هەوێنی شۆڕشی کۆمەڵایەتی لە سەدەی بیست و یەکدا، لەمەودوا ئێمە وەک ژن بەردەوام دەبین لە خەبات بۆ وەڵامدانەوەی بانگەوازی ئاشتی و کۆمەڵگەیەکی دیموکراتیک، پێویستە هەموو لایەنەکان بەرپرسیارێتی ئەم پرۆسەیە لە ئەستۆ بگرن و بەرپرسیارێتی خۆیان جێبەجێ بکەن.

 

"پێویستە سیستمی کۆیلایەتی ئیمراڵی کۆتایی پێبێت"

 ئازادی جەستەیی ڕێبەرمان کە هەموو ژیانی خۆی لە پێناو ئازادی ژن و کۆمەڵگەدا بەخت کرد، مەرجی بنەڕەتی بەرەوپێشبردنی ئاشتی و پێکەوە ژیانە، سیستەمی کۆیلایەتی ٢٦ ساڵە دەبێت ئێستا کۆتایی پێبێت، هەموو ئەو ژنانەی لە ٨ی ئاداردا دێنە سەر شەقامەکان، بەو هۆشیارییەوە دێن کە ئازادیی ڕێبەر ئاپۆ ئازادی ژنانە، پێویستە ئەم ٨ی ئادارە بکەنە ڕۆژی کردار و تێکۆشان بۆ ئازادیی ڕێبەر، سەرکەوتنی ئەم پڕۆسە نوێیە کە بە بانگەوازی ڕێبەرمان دەستی پێکرد، بە ئازادی جەستەیی ڕێبەر ئاپۆ و ئەو مەرج و دەرفەتانەی کە بۆ بەڕێوەبردنی پرۆسەکە هەیەتی، مومکین دەبێت، ڕێبەر ئاپۆ دەبێت لە ڕووی جەستەییەوە ئازاد بکرێت و دەرفەتی ئەوەی پێبدرێت کە چالاکانە بۆ ئاشتی و دیموکراسی کار بکات.

 

"ئێمە بەرپرسیارێتی پرۆسەکە جێبەجێ دەکەین"

 خەباتی ئێمە بۆ ئازادی ژنان کە لە ئەنجامی خولیای ڕێبەر ئاپۆ بۆ ژیانێکی ئازاد و ئەو دەرفەتانەی کە پێشکەشی ژنانی دەکرد پەرەی سەند، ئیرادە و هۆشیارییەکی گرنگی لە ژنانی کورددا پەرە پێدا، ئێمە پێشەنگایەتیمان لە ژیانێکی بەکەرامەت و ئازاد و خەباتێکی شایستەدا کردووە، ژنانی کورد هەرگیز ئومێدیان بە ژیانێکی هاوبەش لەگەڵ گەلانی کوردستان و تورکیا، لەگەڵ ژنانی ڕۆژهەڵاتی ناوەڕاست و جیهان لەدەست نەداوە، هەمیشە پێشەنگایەتی خەباتی ئاشتی و ئازادی و ژیانێکی ئازادیان کردووە، بە بوێرییەکی زۆرەوە ئومێدیان زیادکردووە و کولتوورێکی دیموکراسییان پەرەپێداوە،  ژنانی ئەمڕۆش پێشەنگەکانی سەردەمێکی ئاشتی و کۆمەڵگەیەکی دیموکراتیکن،سەردەمی کۆمەڵگەی دیموکراتیک سەردەمی ژنانە، مانیفێستی کۆمەڵگەی  دیموکراتیک مانیفێستی ئازادییە. لەسەر بنەمای ئەو هۆشیارییە بەرپرسیارێتی پرۆسەکە جێبەجێ دەکەین و خەبات بۆ ئازادی و دیموکراسی و ئاشتی چڕتر دەکەینەوە.

 

 سەدەی بیست و یەک سەردەمی ئازادی ژن دەبێت، تەڤگەرە ڕزگاریخوازەکانی ژنان کە لە ڕێگەی ململانێی ڕەگەزی و زانستی ژن- ژنۆلۆژییەوە ڕێگەیەکی قوڵییان بەدەستهێناوە، ئەوان دینامیکی سەرەکی خەباتی ئەم سەردەمەن، ژن، ژیان، ئازادی بۆتە دروشمی سەرەکی ئەم سەردەمە، ئەم دروشمە کە گوزارشت لە حەقیقەتی ئەو پێکهاتە قووڵە دەکات و لە کوردستانەوە تەشەنەی کردووە بۆ جیهان، ئەوە دەردەخات کە کوردستان گەردوونییە، لەگەڵ پێشکەوتنی ئازادی ژنان کۆمەڵگە ئازادتر دەبێت و ژیانێکی نوێ بە ژنی ئازاد و پیاوی ئازاد بنیات دەنێت، پارادایمی نوێ هەموو حەقیقەتە ئایدیۆلۆژی و فەلسەفی و سیاسییەکانی ئەمە ئاشکرا دەکات.

 

 'خەبات بۆ ئاشتی و ژیانێکی ئازاد'

 

 کولتوری شەڕ و توندوتیژی زیاتر لە دژی ژنان پەرەی پێدراوە و کردوویەتی بە کۆیلە، بۆیە پێویستە خەبات بۆ ئاشتی و ژیانێکی ئازاد دژ بە شەڕ بە پلەی یەکەم لەلایەن ژنانەوە بەرەوپێش بچێت، هێرشەکانی سەر ژنان لە لایەن عەقڵیەت و سیستەمی باڵادەستی پیاوانەوە کە هەزاران ساڵە لە شوێنی خۆیانن، لە سیستەمی مۆدێرنیتەی سەرمایەداری و واقیعی جەنگی جیهانی سێیەمدا گەیشتوونەتە لوتکە، کۆمەڵکوژی ژنان و هەموو جۆرە هێرشێک بۆ سەر جەستە و ڕۆح و بوونی ژن بە شێوەیەکی پلان بۆ داڕێژراو و سیستماتیک پەرەدەستێنێت، ئیستغلالکردنی کار، هەژاری، نایەکسانی و نادادپەروەری زیاتر لە دژی ژنان بڵاوبووەتەوە، سیستەمی پیاوسالاری زۆر لە خەباتی ژنان و ئەو دەسەڵاتە دەترسێت کە لەناوی دەبات، بۆیە واقیعی ژن وەک خوڵقێنەری کولتوور و ژیان و کۆمەڵایەتیبوون لە ژێر هێرشێکی گەورەدایە، بەڵام ژنان دەستبەرداری خەباتی ئازادی نابن و، سەرەڕای دانی باجێکی قورس، بەردەوامن لە تێکۆشان لە دژی پیاوی باڵادەست و سیستەمی دەسەڵاتداری و پاوانخوازی، خەباتی ژنان بناغەی سیستەمی پیاوسالاری دەهەژێنێت، گەورەترین بەرگری ژنان لە دژی فاشیزم و جینۆسایدی ژنان، ڕێکخستنی خۆیانە،هەر ژنێک بیەوێت ئازاد بێت، دەبێت خۆی بەڕێکبخات، پێویستە خۆپاراستن بکرێتە ڕێگای ئازادبوون، تێکۆشان لەدژی سیستەمی باڵادەست و کولتوری دەستدرێژی و جینۆسایدی ژنان چڕتر بکرێتەوە.

 

'ئەزموونی ئێمە هێزی گۆڕینی سیستمەکەی هەیە'

 ئێمەی ژنان لە هەموو پرۆسەی خەباتدا ڕۆڵی پێشەنگمان بینیوە و پێشەنگایەتی گۆڕانکارییە کۆمەڵایەتییەکانمان کردووە، ئێستاش خەبات و هەوڵ و ماندووبوونمان لە سەرکەوتنی ئەو سەردەمە نوێیەدا کە وەک پارادایمێکی ژیانی ئازاد شێوەی وەرگرتووە، تێکۆشان و هەوڵدان و کاری ئێمە یەکلاکەرەوە دەبێت، دوای ئەو هەموو ساڵە هێزی سروشتی و ئیرادەی سروشتی و هۆشیاری هێزی گۆڕینی کۆمەڵگە و گۆڕینی سیستممان هەیە، ئێمە لەم بابەتەدا متمانەمان بەخۆمان هەیە.

 

 گەنجان پێشەنگی ئەم پرۆسەیەن و هێزی بنەڕەتین بۆ دروستکردنی ئایندە، ئێمە دەزانین و باوەڕمان وایە کە گەنجان بەو هێزەی کە لە ڕێبەر ئاپۆ بە میرات وەریان گرتووە، دەتوانن بە چالاکترین و داهێنەرانەترین شێوە  بەشداری لە خەباتی سەردەمی نوێدا بکەن و ڕۆڵی تێدا بگێڕن.

 

 دایکی شەهید و گەریلاکانمان قوربانییەکی زۆریان دا و بەهای گەورەیان خوڵقاند، ئەوان بوونە ئەو کەسانەی کە بە توندیترین شێوە پێشەنگایەتی هەڵمەتی ئازادیی ڕێبەریان کرد، پێویستە دایکانمان خاوەندارێتی ئەو پرۆسەیە بکەن کە ڕێبەرەکەمان هێڵکاری کردووە و خۆیان ڕێکبخەن لەڕێگای سەرکەوتندا پێشەنگ بن.

 

"ئێمە پێکەوە شۆڕشی ژنان بونیاد دەنێین"

 داوا لە هەموو ئەو ژنانەی تورکیا دەکەین کە خوازیاری دیموکراسی و ئاشتین، لەم پڕۆسەیەدا ڕۆڵیان هەبێت و بەرپرسیارێتی ئاشتی و دیموکراسی لە ئەستۆ بگرن.  پێکەوە لە هەموو کاتێک بەهێزتر بین و پێکەوە شۆڕشی ژنان بنیات بنێین.

 

هاوکات هەڤاڵان و دۆستە ئینتەرناسیۆنالیستەکانمان کە هێزێکی زۆرتان بە خەباتی ئازادی ژنانی کورد دا و هەمیشە لە تەنیشتمان وەستابوون، ڕۆڵ ببینن لە جیهانگیری پارادایمی دیموکراتی-ئیکۆلۆژی و ڕزگاری ژنان، جیهانی سۆسیالیستی ئازاد بە پێشەنگایەتی ژنان پێشدەکەوێت، لەم پڕۆسەیەدا داوا لە هەموو هاوڕێیانمان دەکەین کە پێکەوە لەسەر بنەمای دروشمی "ژن، ژیان، ئازادی" خۆیان ڕێکبخەن و پێکەوە خەبات بۆ ژیانێکی ئازاد بەڕێوەبەرن.