نەغەم چاچان 

 

قامیشلۆ-لە سەرەتای شۆڕشی ڕۆژئاواوە ژن سەلماندی کە پایەیەکی بنەڕەتییە لە پاراستنی شارەکان و دەستکەوتەکانی شۆڕش لەناو هێزەکانی پاراستنی کۆمەڵگەدا، ژنان لە پێشەنگ بوون، پاراستنی ئاسایشی کۆمەڵگەکانیان، ئەمڕۆش بەردەوامن لە جێبەجێکردنی ئەرکەکانیان بە ئیرادەیەکی نەگۆڕ لە بەرامبەر هەموو ئاڵەنگارییەکاندا.

 

ئەندامانی هێزەکانی پاراستنی کۆمەڵگەی ژنان بە ئاژانسەکەمانیان ڕاگەیاندووە کە وەک هەپەجە- ژنان لە هەموو ڕوویەکەوە خۆیان سەلماندووە و کۆمەڵگەکانیان پاراستووە.

 

لەیلا میۆ، لە لێژنەی پاراستن لە ئەنجومەنی شارۆچکەی قامیشلۆ، لە سەرەتای قسەکانیدا وتی: ئێمە وەک ژنانی هەپەجە ئامادەین بۆ هەر شتێک و وتی: لە ٦ی کانوونی دووەم تا ئەمڕۆ، ئێمە وەک هێزەکانی پاراستنی کۆمەڵگەی ژنان، بە هۆی ئەو هێرشانەی کە لە ڕۆژئاوا ڕوویانداوە، لەسەر پێی خۆمان بووین، ئێمە لەسەر شەقامەکان و لە گەڕەکەکانداین، بە مەبەستی پاراستنی کۆمەڵگەکەمان و بۆ ئەوەی گەلەکەمان ئارام بێت، ڕاستە ئێمە زۆر کار دەکەین و ماندوو دەبین، بەڵام هەموو ئەمانە پێویستن بۆ ئەوەی ئێمە وەک کورد بوونی خۆمان دەرببڕین، ئێمە بە دەوڵەتە نێودەوڵەتییەکان دەڵێین کە ئێمە کاتێک هاوبەشی ئێوە بووین و لەناوبردنی داعش، ئێوە پشتگیریتان کردین، کاتێک دەوڵەتە نێودەوڵەتییەکان بینیان کە هەموو کورد یەکگرتوو بوون، هەڕەشەکانیشیان ئاشکرا بوو. لەم دۆخەدا کورد لە هەموو شوێنێک هەستایەوە، چونکە کەس ناتوانێت هێزی کورد لەناو ببات.

 

"ژنان شۆڕشێکیان لە ڕۆژئاوای کوردستان ڕێکخست"

لەیلا میۆ ئاماژەی بەوەکرد هەتەشە ژن قبوڵ ناکات و وتی: کورد لە هاوپەیمانی سایکس بیکۆدا فریودرا، بەڵام کوردەکانی ئەمڕۆ وەک ئەو کاتە نییە، ئەمڕۆ کورد خاوەن هێزو مافە، ئازادی وڵات بە خوێن دەگیرێت. ژنانی ڕۆژئاوای کوردستان شۆڕشێکیان ڕێکخست و داکۆکییان لە دەستکەوتەکانی ئەم شۆڕشە کرد. لە دوای هاتنی هەتەشە ژنیان وەرنەگرتووە. هەتەشە دژی بوون و مافی ژنانە. ئێمە بە هەتەشە دەڵێین کە ئێوە هەرگیز ناتوانن لەناومان ببەن و دەبێت ئێمە وەک ژن لە دەستووری سووریادا جێگەی خۆمان بگرینەوە، دەبێت بوون و ناسنامەمان لە دەستووردا مسۆگەر بکرێت.

 

"دەبێت ڕێبەر ئاپۆ لە ڕووی جەستەییەوە ئازاد بکرێت"

لەیلا میۆ ڕایگەیاند کە ڕێبەر ئاپۆ ٢٧ ساڵە بە پلانێکی نێودەوڵەتی بە دیل گیراوە و وتی: ڕێبەر ئاپۆ ٢٧ ساڵە لە زینداندایە، دەوڵەتە نێودەوڵەتییەکان دەیانویست بە گرتنی ڕێبەر ئاپۆ کورد لەناوببەن، بەڵام داواکاری بۆ بوون و ماف و ناسنامەمان بەهێزتر بوو.

 

"ژن ڕۆڵێکی گرنگی لە شۆڕشی ڕۆژئاوادا هەبوو"

مزگین حەسەن، بەڕێوەبەری هێزەکانی پاراستنی کۆمەڵگە، ڕایگەیاند کە ژنان لە سەرەتای شۆڕشی ڕۆژئاواوە دەستکەوتی زۆریان بەدەستهێناوە و وتی: ئێمە وەک کورد لە سەرەتای شۆڕشەوە خۆمان دەپاریزین، بە بیر و فەلسەفەی ڕێبەر ئاپۆ، ئەمڕۆ ژنان چەکیان هەڵگرتووە و  شەقام و گەڕەکەکانیان دەپارێزن، هەتەشە بە دەستوور ژنان قبوڵ ناکات، چونکە لە ژنان دەترسێت ئێمە خۆمان سەلماندووە، ئێمە وەک ژن ڕۆڵێکی گرنگمان لە شۆڕشی ڕۆژئاوادا بینیوە و لە هەموو بوارێکدا خۆمان سەلماندووە.

 

"کورد لە هەموو شوێنێک ڕاپەڕیوە"

مزگین حەسەن ڕایگەیاند کە ئەوان دەستگیرکردنی ڕێبەر ئاپۆ شەرمەزار دەکەن لە ١٥ی شوباتدا و دەشڵێت: دەوڵەتە نێودەوڵەتییەکان پیلانیان لە دژی ڕێبەر ئاپۆ داڕشت و ڕێبەر ئاپۆیان دەستگیرکرد، وەک گەلی کورد دەستگیرکردنی ڕێبەر ئاپۆ لە ١٥ی شوبات وەک بەشێک لە پلانێکی نێودەوڵەتی شەرمەزار دەکەین، دەوڵەتە نێودەوڵەتییەکان ویستیان بە دەستگیرکردنی ڕێبەر ئاپۆ گەلی کورد لەناوببەن لە هەموو شوێنێک و خۆیان سەلماند.