ناوەندی هەواڵ

 

پێشنیوەڕۆی ئەمڕۆ، پەرلەمانی هەرێمی کوردستان کاتژمێر ١١ کۆبوونەوەی ئاسایی خۆی ئەنجامدا، سەرۆکایەتی پەرلەمان لە ڕاگەیاندراوێکدا ئاماژەی بەوەدا لە کۆبوونەوەی ئەمڕۆی پەرلەماندا دەنگدان لەسەر پڕۆژەیاسای "هاوردەكردن و فرۆشتنی بەرهەمە نەوتییەكان لەهەرێمی كوردستان" دەدرێت، لە بەشێكی کۆبوونەوەکەدا باس لە زۆربوونی نەخۆشیی شێرپەنجە و ڕەخساندنی هەلی كار لەهەرێمی كوردستان کرا.

 

ڕ

 

ئەو پەرلەمانتارە ئاماژەی بەوەدا، بەپێی ئەم ئامارە مانگانە ٥٢٤ کەس تووشی شێرپەنجە دەبن، وتیشی ژمارەی دانیشتوان نزیکەی شەش ملیۆن کەسە، بەپێی ڕاپۆرتەکە ژمارەی توشبوون بەراورد بە ژمارەی دانیشتوان ڕێژەیەکی بەرزە و ڕۆژ بە ڕۆژ لە بەرزبوونەوەی زیاتردایە، بەپێی ئاماری کۆکراوەش ٪٩٠ی توشبووی هەرێمی کوردستانە و لە ٪١٠ توشبووی شارەکانی خوارووی عێراقن.

 

بەپێی ڕاپۆرتێک لە وەزارەتی تەندروستی وەرگیراوە لە نێوان ساڵانی ٢٠١٣ – ٢٠١٩، ١٠٠ لە هەر هەزار کەسێکدا لە هەولێر و دهۆک لە ٧٣ کەسەوە توشوون بەرز بووەتوە بۆ ١٧٣، زۆرترین توشبووش پیاوانن بە شێرپەنجەی سییەکان لە ئاستی دووەمیشدا ژنان بە شێرپەنجەی مەمک.

 

هۆکارەکانی زیادبوونی توشبوونیش بۆ دواکەوتنی پشکینی نەخۆشەکان و کەمتەرخەمی حکومەت دەگەڕێننەوە، بۆ چارەسەریش هۆشیارکردنەوەی هاوڵاتیی لە چۆنیەتی دەستنیشانکردنی نەخۆشییەکە پێشنیارکرا، لەگەڵ ئەوەدا وەبەرهێنان بکرێت لە خزمەتگوزاری پزیشکی و تاقیگەی پێشکەوتوو و دڵنیایی تەندروستی بدرێتە توشبووانی شێرپەنجە بۆ وەرگرتنی چارەسەرەکان، هەروەها سەنتەرێکی توێژینەوە بۆ دەستنیشانکردنی هۆکارەکانی توشبوون بە نەخۆشییەکە بونیاد بنرێت.

 

ت.پ