ناوەندی هەواڵ

 

دوای پەسەندکردنی بڕیارنامەی بە تیرۆریست ناوهێنانی سوپای پاسداران لەلایەن پەرلەمانی یەکێتی ئەوروپاوە، خەڵکی شارە جیاوازەکانی ڕۆژهەلاتی کوردستان دەستیان کرد بە ئاهەنگگێڕان و هەڵپەڕکێ.

 

خەڵکی لە شاری سەققز کە زێدی ژینا ئەمینیە، خەڵک ڕژانە سەر شەقامەکان و بە گڵۆپ و هۆڕین لێدانی بەردەوام لە سەرانسەری شاردا ئاهەنگیان گێڕا.

 

لە چەندین شاری دیکەی کوردستان، لەوانە مەهاباد و بۆکان، خەڵک ئاهەنگیان گێڕا و هەڵپەڕکێیان کرد.

 

ڕۆژی پێنجشەمە  پەرلەمانی یەکێتیی ئەورووپا ئەو بڕیارنامەیەی کە سوپای پاسدارانی بە ڕێکخراوێکی تیرۆریستی ناوبردبوو، پەسەند کرد و ئەمەش تەنیا هاوتەریب لەگەڵ درێژەی ناڕەزایەتی و خەباتەکانی خەڵکی ئێران ڕوویدا.