زارا محەمەدی مامۆستای زمانی کوردی چووە زیندان
زارا محەمەدی چالاکوانی کلتوری و مامۆستای زمانی کوردی کە سزای پێنج ساڵ زیندانی بەسەردا سەپێنراوە چووە زیندان.
ناوەندی هەواڵ
ئەمڕۆ ٨ی کانونی دووەم بۆ تەواوکردنی ماوەی سزاکەی کە پێنج ساڵ زیندانیکردنە زارا محەمەدی چووە زیندانی ژنانی سنە.
ژمارەیەكی زۆر لە هاوڕێیانی زاراو چالاكوانانی شارەكە، لەبەردەم دادگا گردبونەوە بۆ ماڵئاواییكردن لە زارا.
زارا محەمەدی لەبەردەم دادگا وتی: "بە قەد هەموو ئەو چرکانەی لە بەندیخانە دەبم قوڕ بە سەر ئەو دوژمنەی هیوای بە بەندیخانەیە".