سودان

 

لەگەڵ بەردەوامبوونی ململانێکانی سودان بۆ سێیەم ساڵی لەسەریەک، منداڵان ڕۆژانە ڕووبەڕووی مردن و برسێتی و بۆردوومان دەبنەوە، ئەمەش پێشێلکردنی ئاشکرایە بۆ مافە مرۆییەکانیان، لەناو بێبایەخکردنی نێودەوڵەتیدا.

 

ڕۆژی ٢٢ی ئەیلوول، سندوقی منداڵانی نەتەوە یەکگرتووەکان "یونیسێف" لە ڕاگەیاندراوێکدا، ڕایگەیاند، کە سێ ڕۆژ لەمەوبەر لە هێرشێکی فڕۆکەی بێفڕۆکەوان کە مزگەوتێکی شاری فاشری ڕۆژئاوای سودانی کردە ئامانج، کە ١١ منداڵی تەمەن ٦ بۆ ١٥ ساڵی تێدا کوژران و دەیان کەسیش برینداربوون.

 

دوای هێرشە توندوتیژەکە، ڕاپۆرتە سەرەتاییەکان قەبارەیەکی وێرانکارییان ئاشکرا کرد، کە لە چاوەڕوانییەکان زیاتر بوو، ژمارەیەکی زۆر زیاتر لە هاوڵاتیان برینداربوون لەوەی کە سەرەتا ڕاپۆرتکرابوو، زیانەکان تەنها بە زیانە مرۆییەکان سنووردار نەبوون، بەڵکو ماڵەکانی دەوورووبەریشی گرتەوە، کە زیانێکی زۆریان بەرکەوتووە، لەناو ئەم کارەساتەدا، کارمەندانی پزیشکی سێ پزیشکی خۆیان لەدەستدا، دوای کوژرانی لە کاتی هێرشەکەدا، بەگوێرەی ڕاگەیاندراوێکی هاوبەش کە لەلایەن لیژنەی ئامادەکاریی سەندیکای پزیشکانی سودان و تۆڕی پزیشکانی سودان بڵاوکراوەتەوە، کە ڕەنگدانەوەی گەورەی ئەو کارەساتەیە کە بەسەر ناوچەکەدا هاتووە.

 

کاترین ڕوسیل، بەڕێوەبەری جێبەجێکاری یونیسێف، هێرشەکەی بە "شۆککەر و بێ ویژدان" پێناسە کرد، جەختی لەوە کردەوە، کە منداڵان دەکرێنە ئامانج و دەکوژرێن و دەشێوێندرێن لە ململانێیەکدا، کە دەستیان پێنەکردووە و ناتوانن کۆنتڕۆڵی بکەن، هەروەها منداڵانی شاری فاشر زیاتر لە ٥٠٠ ڕۆژە لە گەمارۆیەکدا دەناڵێنن کە لەلایەن هێزەکانی پشتیوانی خێرا سەپێنراوە، ئەمەش دەبێتە هۆی تێکدانی دەستڕاگەیشتنیان بە خۆراک و ئاوی پاک و چاودێری تەندروستی، هەروەها ناچار بوون شایەتحاڵی ترسناکییەکان بن کە نابێت هیچ منداڵێک بیبینێت.

 

ئاماژەی بەوەشکرد، دوێنێ فڕۆکەیەکی بێفڕۆکەوان بەر تانکەرێکی ئاو کەوتووە کە بە ڕێکخراوەکە فرۆشرابوو، چونکە ئاوی پاکی دەگەیاندە هەشت هەزار و ٥٠٠ ئاوارە و نەخۆشی نەخۆشخانەکان، ئەمەش سێیەم هێرشی لەو شێوەیەیە لە ماوەی سێ مانگی ڕابردوودا لە ناوچەکەدا.

 

کاترین ڕوسیل ڕوونی کردەوە، کە ئەم جۆرە هێرشانە ئاوی خواردنەوە بۆ خێزانەکان دەبڕن لە کاتێکدا، کە بەدخۆراکی و نەخۆشی لە نێو منداڵاندا پەرەی سەندوە، ئەو ڕێکخراوە و چالاکوانە ناوخۆییەکانی هاوکاری لەگەڵ سوپای سودان و هێزەکانی پشتیوانی خێرای تۆمەتبار کرد، بەوەی کە فڕۆکەی بێفڕۆکەوانوکە لە سەرەتای هەینی ڕابردوو لە کاتی نوێژی بەیانیدا ڕووی لە مزگەوتەکە کرد و لانیکەم ٧٠ کەسی کوشت.

 

بەگوێرەی ئاماری ڕێکخراوی تەندروستی جیهانی، شەڕەکە لانیکەم ٤٠ هەزار کەسی کوشتووە و تا ١٢ ملیۆن کەسی دیکە ئاوارە بووە و زۆرێکیان پاڵناوە بۆ لێواری برسێتی لە سەرەتای شەڕی نێوان سوپای سودان و هێزەکانی پشتیوانی خێراوە.