ناوەندی هەواڵ

 

قەیرانی مرۆیی لە غەززە پەرەسەندنێکی مەترسیدار لە کەرتی غەززە خراپتر دەبێت. هێرشە ئاسمانییەکانی ئیسرائیل لە سەرانسەری خاکەکەدا بەردەوامن، لە ئەنجامدا ژمارەیەکی زۆر لە هاووڵاتیانی مەدەنی کوژراون. هەموو نەخۆشخانە حکومییەکانی باکووری کەرتی غەززە لە خزمەتگوزاری دەرچوون، ئەمە قەیرانی تەندروستی زیاتر توندتر دەکات.

 

ئاژانسی هەواڵی فەڵەستینی وەفا ڕۆژی ١٩ی نیسان، لە ڕاپۆرتێکدا ڕایگەیاند کە هێزەکانی ئیسرائیل ناوچە جۆربەجۆرەکانی کەرتی غەززەیان بۆردوومان کردووە، لە ئەنجامدا ٢٢ هاوڵاتی مەدەنی کوژراون. ئاژانسەکە ئاماژەی بەوە کردووە کە ژمارەی کوژراوانی هێرشە بەردەوامەکانی ئیسرائیل بۆ سەر کەرتی غەززە لە ماوەی ٢٤ کاتژمێری ڕابردوودا بۆ زیاتر لە ١٤٨ کەس بەرزبووەتەوە.

 

فڕۆکەکانی ئیسرائیل کۆبوونەوەی هاووڵاتیانی مەدەنیان کردۆتە ئامانج کە بیرێکی ئاویان هەڵدەکەن لە گەڕەکی سەفتاوی باکووری شاری غەززە، لە ئەنجامدا ژمارەیەک زیانی گیانی لێکەوتووەتەوە. وتەبێژی بەرگری شارستانی ڕایگەیاند، زیادبوونی هێرشەکانی ئیسرائیل وایلێکردوون بەدەست کەمی سەرچاوەوە بگەیەنن، ناتوانن وەڵامی بانگی فریاگوزاری هاوڵاتیانی مەدەنی بدەنەوە.

 

بەرگری شارستانی دووپاتی کردەوە کە بەهۆی خراپتربوونی کەمی سووتەمەنی ٧٥%ی ئۆتۆمبێلەکانی کاریان وەستاوە، لە خزمەتگوزاری دەرچوون. بەرگری هۆشداریدا لەوەی لە ماوەی ٧٢ کاتژمێری داهاتوودا سەرجەم خزمەتگوزارییەکانی ئۆتۆمبێلی بەرگری شارستانی دەوەستێنرێن، بەمە تیمەکان ناتوانن ئەرکە مرۆییەکانیان ئەنجام بدەن، بەهۆی نەبوونی تەنانەت کەمترین سووتەمەنی پێویست بۆ بەڕێوەبردنیان.

 

بەرگری شارستانی لە غەززە ڕایگەیاند کە ژمارەیەک هاوڵاتی مەدەنی لە هێرشێکدا بۆ سەر حەوشەی نەخۆشخانەی ئیندۆنیزیا لە باکووری کەرتی غەززە کوژراون، بەهۆی گەمارۆدان و تەقەکردنەکەوە نەیانتوانیوە بگەنە ئەو نەخۆشخانەیە، چونکە ڕێگە لە هاتنە ناوەوەی نەخۆش و کارمەندانی تەندروستی دەگرێت، سەرجەم نەخۆشخانە حکومییەکانی باکووری کەرتی غەززە لە کار کەوتوون.

 

هێزەکانی ئیسرائیل دەوروبەری نەخۆشخانەی ناسریان لە خان یونس تۆپباران کرد، ژووری ئاسایشی و کۆگای دەرمانیان کردە ئامانج.

 

دەزگای فریاگوزاری و کارەکانی نەتەوە یەکگرتووەکان بۆ پەنابەرانی فەڵەستین (ئونراو) ڕایگەیاندووە، ٩٢%ی ماڵەکان لە کەرتی غەززە زیانیان بەرکەوتووە یان وێران بووە، خێزانەکان لە غەززە ڕووبەڕووی وێرانکارییەکی بێ خەیاڵ بوونەتەوە.

ئونراو پشتڕاستی کردەوە کە ژمارەیەکی بێشوماری دانیشتووان چەندین جار ئاوارە بوون، شوێنی پشوو و ئارامی کەم بووە،ئاماژەی بەوەشکردووە، کەبەردەوامە لە چالاکییەکانی لەسەر خاک، هاوکاری پێشکەش بە دانیشتووان دەکات، جەختیشی لەسەر پێویستی هەڵگرتنی گەمارۆکە کردووەتەوە.

 

ئێوارەی ڕۆژی ١٨ی ئایار، هێزەکانی ئیسرائیل دەستپێکردنی لەشکرکێشییەکی نوێی زەمینییان بۆ چەند ناوچەیەکی ناو کەرتی غەززە ڕاگەیاند، ئەمەش پەرەسەندنێکی مەترسیدار بوو لە شەڕی نزیکەی ١٩ مانگە کە هەزاران کەسی کوژراو و بێسەروشوێن بوون.