ئەو ژنەی پێنج شەممەی ڕابردوو کوژرا کێ بوو؟
ئەو ژنەی کوژرا، چالاکوان و پارێزەری ژینگە بوو، ڕۆژی شەممەی ڕابردوو کۆتا چالاکی خۆی کە پاککردنەوەی سەیرانگای چەمی ڕێزان بووە، ئەنجامداوە.
ناوەندی هەواڵ
بەرەبەیانی ڕۆژی هەینی ١١ی مانگ تەرمی ژنێک لە گوندی عەزیزئاوای شاری سلێمانی دۆزرایەوە، کە شوێنەواری فیشەک بە جەستەیەوە بووە و دواتر سوتێندراوە.
بەپێی زانیارییەکانی ئاژانسی ژنها، ئەو ژنە تەمەنی ٣١ ساڵە، ناوی "بژوێن عوسمان"ە، چالاکوان و ژینگە پارێزە، لە ڕۆژی شەممەی هەفتەی ڕابردوودا کۆتا چالاکی ئەنجامداوە، کە پاککردنەوەی سەیرانگای چەمی ڕێزان بووە.
بەپێی ئەوەی دەست ژنها کەوتووە، بژوێن ڕۆژی پێنج شەممە دیار نەماوە و دواتر بەرەبەیانی ڕۆژی هەینی تەرمەکەی بە سوتاوی دۆزرایەوە کە شوێنەواری فیشەک بە جەستەیەوە دیار بووە.
بژوێن، ئەندامی ڕێکخراوی شار بۆ گەشەپێدانی مەدەنی و گروپی شاخەوانی شارە، لە ئێستاشدا سکاڵا تۆمارکراوە و لێکۆڵینەوە لە دۆسیەکە بەردەوامە.
ت.پ