حەسەکە

 

ڕۆژی ٢٢ی کانوونی یەکەم، چەکدارانی هەتەشە هێرشیان کردە سەر گەڕەکی شێخ مەقسود و ئەشرەفیە و بەهۆیەوە ژنێک کوژرا و دەیان هاوڵاتی مەدەنیش بریندار بوون، ئەم هێرشانە ناڕەزایی دانیشتەوانی شاری حەلەب و هەروەها باکوور و ڕۆژهەڵاتی سووریای لێکەوتەوە.

 

ئەنجومەنی ژنانی تەڤ-دەم هێرشەکانی سەر گەڕەکی شێخ مەقسود و ئەشرەفیە شەرمەزار دەکات و ڕایگەیاندووە، ئەمە پێشێلکارییەکی ڕوون و ئاشکرای ڕێککەوتنی یەکەمی نیسانە کە لە نێوان پارێزگاری حەلەب و ئیدارەی گەڕەکەکانی شێخ مەقسود و ئەشرەفییە واژۆ کراوە.

 

ئەنجومەنی ژنانی تەڤ-دەم ئەو هێرشەی بە پێشێلکردنی سەرجەم ڕێککەوتنە ڕاگەیەندراوەکان زانیوە، بەتایبەتی ڕێککەوتنی یەکەمی نیسان کە لە نێوان پارێزگاری حەلەب و ئیدارەی گەڕەکەکانی شێخ مەقسود و ئەشرەفییە واژۆ کراوە.

 

لە ڕاگەیەندراوەکەدا ئاماژە بەوە کراوە، کە چەکدارانی هەتەشە تانک و چەکی قورس بەکاردەهێنن بۆ بۆردوومانکردنی گەڕەکە مەدەنییەکان، لەنێویاندا ژنان و منداڵان، لەبری ئەوەی خۆیان لە هێڵی پێشەوە بن، وتی: هێرشەکە بووەتە هۆی برینداربوونی ١٦ خەڵکی مەدەنی، لەنێویاندا منداڵێک و گیانلەدەستدانی ژنێک، ئەمەش ئەوە دەردەخات کە هێرشەکە تەنها خەڵکی مەدەنی بێتاوان دەکاتە ئامانج و ژیانیان دەخاتە مەترسییەکی گەورەوە.

 

ڕوونکراوەتەوە کە ئەمە پێداگری هێرشبەران دەردەخات لەسەر پەرەپێدانی دۆخەکە و توندوتیژی لەبری پابەندبوون بە دیالۆگ و ئاشتیم، وتی: شێخ مەقسود و ئەشرەفیە ناوچەی شەڕ و توندوتیژی نین و شەڕ تەنها وێرانکاری زیاتر بەخێو دەکات، هەروەها ئامانجکردنی ناوچە پارێزراوەلەکانی نیشتەجێبوون تاوانێکی ڕەوشتی و مرۆییە، پێشێلکردنی ئاشکرای هەموو یاسا و نۆرمەکانی نێودەوڵەتییە، هێرشبەرەکانی بە تەواوی بەرپرسیارن لە دەرئەنجامەکانی ئەم هێرشە و ناتوانرێت ئەمە بە دەستکەوتێک یان سەرکەوتنێک هەژمار بکرێت.

 

ئەنجومەنی ژنانی تەڤ-دەم داوای لە هەموو لایەنە پەیوەندیدارەکان کرد کە بە تەواوی پابەندبن بە ڕێککەوتنی یەکەمی نیسان و دەستەبەرکردنی وەستانی هەموو جۆرە دەستدرێژییەک، داوای پاراستنی خەڵکی مەدەنی و مسۆگەرکردنی پارێزراوی و ئاسایشیان و لێپرسینەوە لەگەڵ بەرپرسانی ئەم هێرشە کرد.

 

لە کۆتاییدا ئەنجومەنەکە دووپاتی کردەوە، کە سووریا بە تانک دروست نابێت، بەڵکو بە دادپەروەری و عەقڵانییەت بونیاد دەنرێت، ئێمەی ژنان پابەندین بە بژاردەی ئاشتی و پێکەوەژیان، بە یەکجاری هەموو ئەو هەوڵانە ڕەتدەکەینەوە کە ناوچەکە بەرەو ئاژاوە و توندوتیژی دەبەن، لەگەڵ ژنان و خەڵکی ئەشرەفیە و شێخ مەقسود دەوەستینەوە، پشتیوانی و یەکدەنگی خۆمان لەگەڵ ئەوان لە خۆیاندا ڕادەگەیەنین مافی ڕەوای ئاسایش و سەقامگیری و شکۆمەندی و ژیانێکی پارێزراو و سەقامگیر.