”ئێمە ١٢ ساڵە ئازار دەگۆڕین بۆ خەبات بۆ ئازادی و دادپەروەری”
لەگەڵ نزیکبوونەوەی ١٢ ساڵەی فەرمانەکە، ڕێکخراوەکانی ژنانی ئێزدی لە هەموو جیهانەوە بە ڕاگەیاندراوێکی هاوبەش دەستپێشخەرییەکی نوێیان دەستپێکردووە، ئامانج لەم دەستپێشخەرییە گەیشتن بە هەموو ژنان و تاکەکانی ئێزدییە.
شنگال
ساڵڕۆژی فەرمانی ٧٤مین نزیک دەبێتەوە و ژنانی ئێزدی سەرەڕای ئازار و مەینەتیەکانیان، هەڵگری هیوایەکی گەورەن و هەوڵی گەیشتن بە دیلەکانیان دەدەن، کە ماوەی ١٢ ساڵە چارەنووسیان نادیارە، تەڤگەری ئازادی ژنانی ئێزدی "تاژێ"، ئەنجومەنەکانی ژنانی ئێزیدی "SMJÊ"، یەکێتی ژنانی ئێزدی- سووریا "YJÊS" ژنانی ئێزدی ڕووسیا و ژنانی ئێزدی ئەرمینیا لە ١٧ی تەمووزدا بە ڕاگەیاندراوێکی هاوبەش بە دروشمی "بۆ دادپەروەری و ئازادی، ئێوەش دەبنە دەنگی دیلەکانی فەرمانەکە" هەڵمەتێکیان ڕاگەیاند.
لەگەڵ دەستپێکردنی ئەو هەڵمەتە چالاکییەکانی ژنانی ئێزدی دەستیپێکرد، نوژین ئێزدی، وتەبێژی میدیای ژنانی ئێزدی و لیزا فەقیر، وتەبێژی ژنانی مامۆستایان هەڵسەنگاندنێکیان بۆ ئەم هەڵمەتە پێشکەش بە ئاژانسەکەمان کرد.
”ئێمە دەمانەوێت وەڵامدەرەوە بین بۆ دیلەکانمان”
نوژین ئێزدی، وتەبێژی ڕاگەیاندنی ژنانی ئێزدی ڕایگەیاند، ئەنجامدانی هەڵمەتێکی لەو شێوەیە ئەرکێکی گرنگی هەیە و وتی: ئەم هەڵمەتە هەنگاوێکی گرنگە بۆ کۆمەڵگەی ئێزدی بەتایبەتی و ئەوانەی لەدەست داعش ئازادکراون، بۆ دیاریکردنی چارەنووسی دیلەکانی ئێزدیمان، نە لە لایەن دەوڵەت و نە لە لایەن هێزەکانی دەرەکییەوە هیچ هەنگاوێک نەنراوە، ئێمە دەمانەوێت وەڵامدەرەوەی دیلەکانمان بین، ئامرازێک بین بۆ دڵنیابوون لەوەی مافەکانیان پێشێل نەکرێت و دەنگی ئەوان بین، بەم هەڵمەتە دەستی کۆمەڵگەکەمان و دیلەکانمان بەهێزتر دەکەین.
نوژین ئێزدی سەرنجی بۆ ئەو هێرشانە ڕاکێشا کە بە تایبەتی منداڵانی کچان و ژنانی ئێزدییان کردە ئامانج و وتی: هەروەها ئەم دەستپێشخەرییەی کە تەڤگەری ئازادی ژنانی ئێزدی لە ساڵڕۆژی فەرمانەکەدا دەستی پێکرد، گەورەترین وەڵام بوو بۆ ئەوانەی دەیانویست کۆمەڵگەی ئێزدی لە کەسایەتی ژنانی ئێزیدی لەناوببەن، بەتایبەتی هێرشکردنە سەر ژنانی ئێزدی کە دەیانویست باوەڕی ئێزدی لەناوببەن، بۆیە ئەم دەستپێشخەرییە ئەرکێکی گرنگی هەیە، جگە لەوەش ژنان لە ماوەی فەرمانەکەدا زۆرترین ئازار و ناخۆشی ڕووبەڕوویان بووەتەوە، تووشی دەستدرێژی و هێرشکردنە سەر ژنان و باوەڕەکەیان بوون.
”بە ئەنتیگراسیۆنی ژنانی ئێزدی، ئامانجەکانی دەستپێشخەرییەکە بەدیدێت”
نوژین ئێزدی لە هەڵسەنگاندنە بەرفراوانەکانیدا، جەختی لەوە کردەوە، کە جێبەجێکردنی دەستپێشخەرییەکی لەو شێوەیە لەلایەن تەڤگەریەکانی ژنانەوە دەبێتە ئامرازێک بۆ هەموو ژنێکی ئێزدی بۆ ئەوەی لە تاریکییەوە بەرەو ڕووناکی بچێت، وتی:بە ئەنتیگراسیۆنی ژنانی ئێزدی ئامانجی دەستپێشخەرییەکە بەدی دێت، نەک هەر ژنانی ئێزدی، بەڵکو دەبێت هەموو ژنان و کۆمەڵگەکان خۆیان بە قەرزار و بەرپرسیاری ئەم کۆمەڵگەیە ببینن، با ئەم دەستپێشخەرییە بکەین و بەردەوامی پێبدەین.
”ئەم دەستپێشخەرییە دەبێتە ئامرازێک بۆ گەڕانەوەی منداڵانی کچان و ژنانی ئێزدی بۆ شوێن و خاکەکانیان”
نوژین ئێزدی، وتەبێژی ڕاگەیاندنی ژنانی ئێزدی ڕایگەیاند، بۆ ئەم دەستپێشخەرییە کە دەستیپێکردووە، وەک ڕاگەیاندنی ژنانی ئێزدی، ئەرک و بەرپرسیارێتی کە دەکەوێتە سەر شانی ئەوان، جێبەجێکردنیەتی، هەروەها لە تەنیشت ژنان و کۆمەڵگەی ئێزدی بوەستینەوە، وتی: دیلەکانمان دەبنە دەنگی ئێمە؛ بەو بۆچوونانەی کە دەیدەن، دەتوانین زیاتر دەنگیان بەرز بکەینەوە و بەهێزتر بکەین، هیوادارین منداڵانی کچان و ژنانی ئێزدی کە لە دەستی چەتەکانی داعش ڕزگار کراون، جا چ لە ناوخۆی وڵات بێت یان لە دەرەوەی وڵات، بتوانن لەم ساڵڕۆژی فەرمانەدا بۆ مافەکانیان بوەستن، بۆ ئەوەی دادپەروەری بگیرێتەبەر و ئەو جینۆسایدەی کە لە دژی کۆمەڵگەکەمان ئەنجام دەدرێت، بناسرێت. با ئەم توڤگەریە فراوانتر بکەین و دەستی یەکتر بەهێز بکەین، لە هەمان کاتدا با پێکەوە بوەستین بۆ ئەوەی ئەم فەرمانەی بەسەر کۆمەڵگەکەماندا هاتووە دووبارە نەبێتەوە.
ئاماژەی بەوەشدا، کە تا ئێستا دۆخی زۆرێک لە مندالانی کچان و ژنانی ئێزدی نادیارە، وتی: کەسانێک هەن دۆخەکەیان ڕوونە و ناتوانن بگەنە ئێمە، ئەم تەڤگەرییە دەبێتە ئامرازێک بۆ ئەوەی منداڵانی کچان و ژنانی ئێزدی بێنە پێشەوە و دەنگیان هەڵبکەن و بگەڕێنەوە بۆ شوێن و خاکەکانی خۆیان.
”هەست بە ئازاری ژنانی ئێزدی بکەن”
نوژین ئێزدی داوای لە هەموو ژنانی جیهان کرد و لە کۆتاییدا وتی: هەموو ژنێکی خاوەن ویژدان و مافی ژنانی دەوێت دەبێت ئەم هەنگاوە بنێت و شەڕ بکات، ئێمە دەزانین کە زۆرێک لە کچان و ژنانی ئێزدیمان لە هەموو جیهاندا بڵاوبوونەتەوە، لە هەر شوێنێک بژین دەتوانن لێکۆڵینەوە بکەن و ئارەزووی دیلێتی ئێستامان بکەن، تا ئێستا لە ١٩ وڵاتدا جینۆساید ناسێنراوە، ژنانی ئەم وڵاتانە دەبێ بتوانن داوای مافەکانی ژنانی ئێزدی لەم وڵاتانەشەوە داوا لە هەموو ژنان و ژنانی عەرەب دەکەین لە عێراق: با ئازارەکانی ژنانی ئێزدی ببینن و دەستیان بخەنە سەر یەک بۆ ئەوەی دەوڵەت و ڕێکخراوەکانی عێراق لە عێراق ئەم هەنگاوە بنێن و کۆتایی بە ئاوارەبوون و دیلبوون بهێنن.
”با بگەینە دیلەکانمان”
لیزا فەقیر، وتەبێژی مامۆستایانی ژن، هەروەها لە سەرەتای وتارەکەیدا شەهیدانی فەرمانەکەی بیرهێنایەوە و وتی: منیش وەک کچێکی ئێزدی بەو فەرمانەدا تێپەڕیم، دەستپێکردنی ئەم دەستپێشخەرییە مایەی دڵخۆشییە، لە کاتێکی ئاوا سەختدا، دەستپێشخەرییەکی لەو شێوەیە لەلایەن تەڤگەری ئێزدی و ژنانەوە دەستیپێکرد بۆ ئەوەی بتوانین بگەینە دیلەکانمان کە ئەمەش زۆر گرنگە، ئەوەی ئێمە لە عێراقەوە دەمانەوێت بۆ ئەوەی هاوکارمان بن بۆ ئەوەی بتوانین دیلەکانمان ئازاد بکەین و منداڵانیکچ و ژنانی ئێزدی بگەڕێنینەوە سەر خاک و باوەڕەکەیان.
لیزا فەقیر سەرنجی بۆ ڕۆڵ و ئەرکی بنەماڵەی دیلەکانی ئەو فەرمانە ڕاکێشا و وتی: ئەرکێکی گەورە و گرنگ دەکەوێتە سەر شانی بنەماڵەی دیلەکان، بە تایبەتی دەبێت هاوکاریمان بکەن بۆ ئەوەی بتوانین دوای ئەو هەموو ئازارە ئاگامان لە دیلەکان بێت، داواکاریی ئێمە بۆ ئەو دیلانەی کە لە شنگال ماونەتەوە ئەوەیە کە هاوکاریمان بکەن بۆ ئەوەی بتوانین ئەو دیلانەی لە شنگالدان ئازاد بکەین کە لە دەستی داعشدان، ئەوان زیاتر لە ئێمە دەزانن ئەو ئازارانەی کە تووشی بووە ڕۆڵەێکە دەکەوێتە سەر منداڵانی کچان و ژنانی ئێزدی زۆرترین زیانیان بەرکەوتووە.
لیزا فەقیر، وتەبێژی مامۆستایانی کچ بەم شێوەیە کۆتایی بە وتارەکەی هێنا و وتی: پێویستە هەموو ژنان دەستی یەکبگرن، بەشداری ئەم دەستپێشخەرییە بکەن و سەرکەوتووی بکەن.