هێزێکی ئاسایشی پەدەکە ڕێگری لە بەردەوامی ڕێپێوانی ماوەدرێژ دژی داگیرکارییەکانی دەوڵەتی تورکیا بۆ بادینان دەکات، لە ئیستاشدا سەرپەرشتیارانی ڕێپێوانەکە لەگەڵ بەرپرسیارانی هێزەکەدا لە گفتوگۆدان.

ناوەندی هەواڵ

 

\

کەمێک بەر لە ئێستا بەشداربووانی ڕێپیوانی مەودادرێژ کە پێکدێن لە ژنان و ژنانی گەنج، گەنجان و توێژە جیاوازەکان، بازگەی باواجییان لە کۆیە بەجێهێشت و بەرەو بازگەی دێگەڵە کەوتنە ڕێ، بەڵام پێش گەشتنیان بە بازگەکە لەلایەن هێزێکی ئاسایشی پارتی دیموکراتی کوردستان-پەدەکەوە ڕێگرییان لێدەکرێت.

بۆ گەیشتن بە بازگەکە چالاکوانان نزیکەی پێنج کیلۆمەتر دوورن بەڵام هێزێکی پەدەکە لە پێش بازگەکە دانراوە و ڕێگە بە بەردەوامی ڕێپێوانەکە نادەن، لە ئێستاشدا سەرپەرشتیارانی ڕێپێوانەکە لەگەڵ بەرپرسانی هێزەکەدا لە گفتوگۆکەدا.

بەشداربووانی ڕێپێوانەکە جەخت لەوە دەکەنەوە کە بەردەوام دەبن لە ڕێپێوانەکەیان و لەبەردەم هێزەکەی ئاسایشی پەدەکەدا گردبوونەتەوە.

ت.پ