ناوەندی هەواڵ

 

لەناو کەشوهەوای سیاسی ئێران و پەرەسەندنی ڕەخنەی نێودەوڵەتی لە تۆماری تاران سەبارەت بە مافەکانی ژنان، هەڵبژاردەی تۆپی پێی ژنانی ئێران لە جامی ئاسیا لە ئوسترالیا ئامادە نەبوو سروودی نیشتمانی بڵێتەوە.

 

یاریزانانی ئێرانی پێش یارییەکەیان بەرامبەر کۆریای باشوور لە کۆمەڵەی ئەی ڕۆژی ٣ی ئادار، لە کاتی سروودەکەدا بە بێدەنگی تەواو وەستابوون و بەبێ ئەوەی وشەکان بخوێننەوە، ڕاستەوخۆ سەیری پێشەوەیان دەکرد.

 

لە ساتەوەختی بێدەنگیدا کە سروودی نیشتمانی لێدەدرا، مەرزیە جەعفەری ڕاهێنەر بە زەردەخەنەوە دەرکەوت لە دیمەنێکدا کە چاودێران بە "ساتێکی شانازی" پێناسەی دەکەن، کە ڕەنگدانەوەی هەڵوێستێکی ڕەمزی ڕاهێنەرە سەبارەت بە دۆخی وڵاتەکەی.

 

ئەم ئاماژەیە لە کاتێکدایە کە مێژوویەکی دوور و درێژی ڕەخنەی ئاڕاستەی ڕژێمی ئێران سەبارەت بە پێشێلکردنی مافەکانی ژنان، کە ڕێکخراوە نێودەوڵەتییەکانی مافی مرۆڤ باس لە پرسەکانی هەڵاواردن و سنووردارکردنی سەپێندراو بەسەر ژنان لە ئێران دەکەن.

 

بێدەنگی یاریزانان وەک جۆرێک لە ناڕەزایەتی  سەیر دەکرێت، بەتایبەتی بە لەبەرچاوگرتنی پەرەسەندنی گرژییە سیاسی و کۆمەڵایەتییەکانی ناو وڵات.

 

هەڵبژاردەی ئێران چەند ڕۆژێک پێش دەستپێکردنی هێرشە ئاسمانییەکان لە ڕۆژهەڵاتی ناوەڕاست، وەک ئامادەکارییەک بۆ پاڵەوانێتییەکە گەیشتە ئوسترالیا، بڕیارە لە یاری داهاتوودا ڕووبەڕووی ئوسترالیا ببنەوە، پێش ئەوەی قۆناغی کۆمەڵەکان بەرامبەر فلیپین لە هەمان یاریگا کۆتایی پێبهێنن.