توندوتیژییەکان لە مەغریب لە دژی ژنان زیادیکردووە
حاڵەتەکانی توندوتیژی خێزانی لە مەغریب لە ماوەی پەتای کۆرۆنا و دواتردا زیادیکردووە، کە لە ساڵی ٢٠٢٠ دوای کەرەنتینە و مانەوەی هاوڵاتیان لە ماڵەکانیان بە ڕێژەی ٣١.٦٪ زیادیکردووە بە بەراورد بە هەمان کاتەکانی پێش پەتای کۆرۆنا لە ساڵی ٢٠١٩.
ناوەندی هەواڵ
توێژینەوەیەکی بەدواداچوون لەسەر جێبەجێکردنی یاسای ١٠٣.١٣ سەبارەت بە بەرەنگاربوونەوەی توندوتیژی دژی ژنان، کە مەغریب لە ساڵی ٢٠١٨ پەسەندی کردووە، داوای وەڵامدانەوەی کاریگەرتری پۆلیسی کردووە بۆ کردەوەکانی توندوتیژی دژی ژنان.
توێژینەوەکە لەلایەن وەزارەتی هاودەنگی و گشتگیری کۆمەڵایەتی و خێزان بە هاوبەشی لەگەڵ سندوقی نەتەوە یەکگرتووەکان بۆ دانیشتووان ئەنجامدراوە، ئەنجامەکانی توێژینەوەکە ڕۆژی سێشەممە پێشکەشکراون.
توێژینەوەکە داوای لە پۆلیسی دادوەری کردووە کە دەستبەجێ دەستوەردان بکات دوای ئەوەی دەستدرێژیکردنە سەر ژنێک ڕاپۆرت دەکرێت و سکاڵا دەکرێت هەروەها پێویستە ماوەی تەواوکردنی لێکۆڵینەوەکان دیاری بکرێت.
هەروەها پێشنیاری کردووە کە یەکەکانی پۆلیسی دادوەری تایبەتمەند دروست بکرێن و تایبەت بن بە کەیسەکانی توندوتیژی دژی ژنان، هەروەها توێژینەوەکە داوای دامەزراندنی بەشی چاکسازی تایبەت بە کەیسەکانی توندوتیژی دژی ژنان لە سەرانسەری دادگاکانی یەکەمی مەغریب و بەشەکانی تاوان لە دادگاکانی تێهەڵچوونەوەدا کردووە.
سەبارەت بە جێبەجێکردنی یاسای ١٠٣.١٣، توێژینەوەکە هەمەچەشنکردنی بەرچاوی سەرچاوە و جۆرەکانی بەڵگەی نیشانداوە کە لەلایەن سیستەمی دادوەری مەغریبەوە لە حاڵەتەکانی توندوتیژی دژی ژنان پەسەندکراون، کە هەموویان لەگەڵ ستانداردە نێودەوڵەتییەکان هاوتەریبن.
بە مەبەستی دڵنیابوون لە جێبەجێکردنی کاریگەرانەی یاساکە، توێژینەوەکە پێشنیاری ئەنجامدانی کۆبوونەوەی ڕاهێنانی کردووە، بە ئامانجی ئاگادارکردنەوەیان لە ڕێبازە پراکتیکییەکان و ستانداردە پەیوەندیدارەکانی پەیوەست بە توندوتیژی دژی ژنان.
حاڵەتەکانی توندوتیژی خێزانی لە ماوەی پەتای کۆرۆنا و دواتردا زیادیکردووە، کە لە ساڵی ٢٠٢٠ دوای کەرەنتینە و مانەوەی هاوڵاتیان لە ماڵەکانیان بە ڕێژەی ٣١.٦٪ زیادیکردووە بە بەراورد بە هەمان کاتەکانی پێش پەتای کۆرۆنا لە ساڵی ٢٠١٩.