ناوەندی هەواڵ

 

ڕوفەیدە ئیسلامیە بە یەکەم پەرستاری بەڵگەدار دادەنرێت لە مێژووی ئیسلامیدا، وەک یەکێک لە گرنگترین کەسایەتییەکانی ژنانە لە بواری چاودێری تەندروستیدا، لە ماوەی سەدەی حەوتەمی زایینیدا دەرکەوت، لە مەدینە دەژیا و بەشداری لە لێهاتوویی و ئەزموونی خۆیدا کردووە بۆ دامەزراندنی ڕێبازێکی نوێ بۆ چاودێری پزیشکی لەناو کۆمەڵگەی ئیسلامی تازەپێگەیشتودا.

 

ڕوفەیدە ئیسلامیە لە دەوروبەری ساڵی ٦٢٠ی زایینی لە شاری مەدینە (حجاز) لەدایک بووە، سەر بە هۆزی بەنی ئاسلم بووە، بە ڕێکخستنی چادرێکی پزیشکی و فێرکردنی بنەماکانی پەرستاری و چاودێری تەندروستی و ڕۆڵی مرۆیی لە خزمەتکردنی نەخۆش و کەمدەرامەتەکاندا ناسرابوو، لە کاتی شەڕەکاندا چارەسەری بریندارەکانی دەکرد و سەرپەرشتی یەکەم یەکەی چاودێری تەندروستی گەڕۆکی کرد، هەروەها کۆمەڵێک ژنی ڕاهێنا بۆ ئەوەی وەک پەرستار کار بکەن.

 

ژیان و پەروەردەی

لە باوکیەوە  پزیشک سەعد ئیسلامی، خوێندنی پراکتیکی پزیشکی ورەگرتووە، هەر لە منداڵییەوە ڕاهێنانی لەسەر پاککردنەوەی برینەکان و ئامادەکردنی دەرمانی گیایی و هاوکاریکردنی ژنان لە کاتی منداڵبووندا کردووە، دوای کۆچکردنتی پێغەمبەر محمد بۆ مەدینە، ئیسلام ئامێز دەگرێت و پەیوەندی بە ژنانی (الأنصار) کردووە، لەم ماوەیەدا، خۆی بۆ بەرپرسیارێتی کۆمەڵایەتی و خزمەتکردنی نەخۆش و کەمدەرامەتەکان تەرخان کردووە.

 

دوای شەڕەکانی ئوحود و خەندەق و خەیبەر، چادرێکی هەڵدا کە لە نەخۆشخانەیەکی مەیدانی دەچوو، لەوێ چارەسەری سەربازە بریندارەکانی دەکرد، هەروەها گرنگی بە سەعدی کوڕی معاز داوە کاتێک لە شەڕی خەندەقدا بە سەختی بریندار بووە، تەنانەت لە کاتی ئارامیشدا لە نەخۆشخانەیەکی تایبەتی بچووکی نزیک مزگەوتی پێغەمبەردا چارەسەری پزیشکی بەخۆڕایی بۆ نەخۆش و هەژار و بێ باوکان دابین دەکرد.

 

پەروەردەی تەندروستی و بەشدارییەکانی

ئەو کۆمەڵێک پەرستاری خۆبەخشی ژنی دامەزراند و ڕاهێنانی بنچینەی لەسەر بابەتەکانی وەک پاکوخاوێنی، چاودێری برین، پزیشکی گیایی و چارەسەرکردنی نەخۆشەکان پێشکەش کرد، هەروەها یەکەم کەس بوو کە یەکەیەکی چاودێری تەندروستی گەڕۆکی لە نزیک بەرەکانی شەڕ دامەزراند، لەوێ وێستگەی فریاگوزاری سەرەتایی ڕێکخست، جەختی لەسەر بنەماکانی پاکوخاوێنی و تایبەتمەندی نەخۆش و دادپەروەری لە چارەسەرکردندا کردەوە، ئەم ڕێبازە بەشداری کرد لە دانانی بناغەکانی ڕەوشتی پزیشکی ئیسلامی.

 

میراسی

بەشدارییەکانی ئەو ئیلهامبەخش بوون بۆ دامەزراندنی نەخۆشخانە ئیسلامییەکان کە لە سەدەکانی دواتردا سەریان هەڵدا، کە بە بیمارستان ناسراون، لەم سەردەمدا چەندین خەڵات و کۆلێژی پەرستاری ناوی ئەویان هەڵگرتووە، لە دیارترین خەڵاتەکانیدا خەڵاتی کۆلێژی شاهانەی پزیشکانی نەشتەرگەری لە ئێرلەندا و خەڵاتی ڕوفەیدە ئیسلامیە بۆ پەرستاری لە بەحرەین.

 

ڕوفەیدە ئیسلامیە ئەمڕۆ وەک پێشەنگێک لە بواری پزیشکی ئیسلامیدا یاد دەکرێتەوە، کە سیمبولی بەهێزکردنی ژنانە لە پیشەی چاودێری تەندروستیدا، هەروەها نموونەیەکە بۆ هۆشیاری کۆمەڵایەتی و خزمەتکردنی مرۆیی.