ناوەندی هەواڵ

 

دەسەڵاتدارانی یۆنان ئەمڕۆ ڕایانگەیاند، بەلەمێک کە کۆچبەرانی هەڵگرتبوو لە باکووری ڕۆژهەڵاتی دوورگەی لێسبۆسی یۆنان لەکاتی هەوڵدان بۆ کۆچکردن لە تورکیاوە بۆ ئەوروپا نوقم بوو، بەهۆیەوە چوار کەس گیانیان لەدەستدا و ١٨ی دیکەش ڕزگار کران.

 

پاسەوانی کەناراوەکانی یۆنان ڕایگەیاندووە، دەیان بەلەمیان لە نزیک دوورگەکانی ئیجە گواستراوەتەوە کە کۆچبەرانیان هەڵگرتووە، ئەمەش لەکاتێکدایە لە ماوەی دوو مانگی ڕابردوودا ژمارەی ئەو کەسانەی کە تازە هاتوونەتە ئەوروپا زیادیکردووە.

 

بەپێی ئامارەکانی نەتەوە یەکگرتووەکان، ئەمساڵ زیاتر لە ١٤ هەزار کەس لە ڕێگەی وشکانی و دەریاییەوە گەیشتوونەتە یۆنان، بەو پێیەی ئەمە نزیکەی یەک لەسەر دەی کۆی گشتی پەڕینەوە دەریاییە سەرکەوتووەکان دەکات، کە زۆربەیان بۆ ئیتاڵیا بوون، لەلایەن نزیکەی ١٠٤ هەزار کەسەوە ئەنجامدراون، ژمارەی گەیشتن بە یۆنان لە ماوەی لە ساڵی ٢٠٢٢، نزیکەی ١٩ هەزار کەس.

 

داتاکانی کۆمسیۆنی باڵای پەنابەرانی نەتەوە یەکگرتووەکان ئاشکرایان کردووە، زیاتر لە ١٥ هەزار و ٦٠٠ کەس گەیشتوونەتە یۆنان کە ١٢ هەزار کەسیان لە ڕێگەی دەریاوە بووە.

 

دەزگای ئیتاڵی ANSA پێشتر ڕایگەیاندبوو کە چواردە کەس گیانیان لەدەستداوە دوای ئەوەی بەلەمەکەیان کە لە تونسەوە بەرەو کەنارەکانی ئیتاڵیا ڕۆشتووە و نوقم بووە، ئاماژەی بەوەشکردووە، چوار کەس لە کەناری عاج و گینیا، سێ پیاو و ژنێکن، لەلایەن کەشتییەکەوە ڕزگارکراون کە گواستیانەوە بۆ بەلەمێکی پاسەوانی کەناراوەکان.

 

لە سەرەتای ئەمساڵەوە هێزەکانی پاسەوانی کەناراوەکانی تونس ٩٠١ تەرمی کۆچبەرانی خنکاویان لە کەناراوەکانی تونس دۆزیوەتەوە کە زۆربەیان لە وڵاتانی ژێر سەحرا بوون، لە هەمان ماوەی ساڵدا ٣٤ هەزار و ٢٩٠ کۆچبەر ڕزگار کراون.

 

کۆمسیۆنی باڵای پەنابەرانی نەتەوە یەکگرتووەکان ئاشکرای کرد کە لە سەرەتای ئەمساڵەوە نزیکەی ٩٠ هەزار کۆچبەر گەیشتوونەتە ئیتاڵیا، کە نزیکترین کەناراوەکانیان ١٥٠ کم لە تونسەوە دوورە، بەگوێرەی ئاماری ڕێکخراوی نێودەوڵەتی کۆچیش، ناوەڕاستی دەریای ناوەڕاست مەترسیدارترین ڕێڕەوی کۆچکردنە لە جیهاندا و لە ساڵی ٢٠١٤ەوە زیاتر لە ٢٠ هەزار حاڵەتی مردن تۆمار کراوە.