سودان؛ چڕبوونەوەی شەڕ دەیان هەزار کەسی ناچار کرد هەڵبێن
نووسینگەی نەتەوە یەکگرتووەکان بۆ هەماهەنگی کاروباری مرۆیی (OCHA) پشتڕاستی کردەوە کە پەرەسەندنی شەڕ لە ناوچە جۆربەجۆرەکانی سودان وایکردووە خەڵکی سڤیل ماڵ و حاڵی خۆیان بەجێبهێڵن و پەنا بۆ پەناگە بگرن.
ناوەندی هەواڵ
سودان ڕووبەڕووی قەیرانی ئاوارەبوونی بەرفراوان بووەتەوە. شەڕ و پێکدادان لە نێوان سوپا و هێزەکانی پشتیوانی خێرا، هەزاران هاوڵاتی مەدەنی ناچار کردووە هەڵبێن. لە ویلایەتی کۆردۆفانی ڕۆژئاوا تەنها لەم مانگەدا نزیکەی ٤٧ هەزار کەس لە شارۆچکەکانی ئەلنەهود و ئەلخووەی هەڵاتوون. لە باکوری دارفور شەش هەزار کەس لە کەمپی ئەبو شووک و فاشر ئاوارە بوون.
نەتەوە یەکگرتووەکان هۆشداری دەدات کە قەیرانی مرۆیی بەهۆی بەرزبوونەوەی نرخی خۆراک و پچڕانی کارەبا لە خەرتوم و بڵاوبوونەوەی نەخۆشی کۆلێرا زیاتر بووە. هەروەها بەکارهێنانی ئاوی ناپارێزراو لە هەندێک ناوچەدا مەترسی تووشبوون بە نەخۆشییە درمیەکانی زیاد کردووە. لە شاری نیلی سپیش هاتنی پەنابەرانی باشووری سودان زیادی کردووە و لە ماوەی شەش هەفتەی ڕابردوودا زیاتر لە 25 هەزار کەس کە بە شێوەیەکی سەرەکی ژن و منداڵ هاتوونەتە ناوچەکە.