ناوەندی هەواڵ

 

بارۆی ئیزمیر دەربارەی ئەو منداڵانەی لە بوومەلەرزەکەدا کەسوکاریان لەدەستداوەو ڕادەستی خۆبەخشانی دەزگای هاریکاری مرۆیی "IHH" کراون، لە فەرمانگەی داواکاری گشتی بایکۆز، سکاڵای لەسەر دەریا یانیک، وەزیری خێزان و خزمەتگوزارییە کۆمەڵایەتیەکان و بەڕێوەبەری" IHH" تۆمار کرد.

 

لە سکاڵاکەیدا کە پێشکەشی داواکاری گشتی کۆماری بایکۆز کراوە، دۆسیەی گشتی لەسەر "IHH" و وەزارەتەکە لەسەر بنەمای "ڕفاندن و دەستبەسەرداگرتنی منداڵان"، "بێبەشکردنی هەرکەسێک لە ئازادی" و "خراپ بەکارهێنانی ئەرکەکانیان" تۆمار کراوە.

 

"وەزارەت بەرپرسیارێتی خۆی پێشێل دەکات"

"سەرەڕای ئەوەی کە وەزارەتی خێزان و خزمەتگوزارییە کۆمەڵایەتییەکان تاکە دامەزراوەی چاودێری منداڵانە، بەڵام بەرپرسانی ئەو وەزارەتە لەم بابەتەدا تێوەگلاون و بەرپرسیارێتی سەرەکییان پێشێلکردووە، سەبارەت بەو زانیارییانەی لەڕۆژنامەوانیدا بڵاو بوونەتەوە، پێویستە دەستبەجێ زانیاری لەگەڵ ڕای گشتیدا هاوبەش بکرێت و ئەمەش زۆر گرنگە بۆ سەلامەتی منداڵان، هەروەها پێویستە لێدوانی ئەو کرێکارانەی کە لەم پرۆسەیەدا پێداچوونەوەیان بۆ کراوە وەربگیردرێت ئەمە بۆ تاوانی 'خراپ بەکارهێنانی ئەرکەکەی'، گرنگە.