شەنگال

 

هاوڵاتیانی شەنگال لە دژی هێرشە داگیرکارییەکانی دەوڵەتی تورکیا بۆ سەر خاکی باشوری کوردستان ڕێپێوانیان ئەنجامدا، هاوڵاتیان لە بەردەم ئەنجومەنی گەلی سنونێ کۆبوونەوە و هەتا چوارڕیانی سنونێ ڕێپێوانیان کرد، لە کۆتایی ڕێپێوانەکەدا وتەبێژی تەڤگەری ئازادی ژنانی ئێزدی-تاژێ، سەبیحە سەبری بەیاننامەی خوێندەوە.

 

ڕەیحان خدر ژنێکی گەنجی بەشداربووی ڕێپێوانەکە ئاماژەی بەوەدا: ئێمە وەک گەلی شەنگال داگیرکاری وڵاتەکەمان قبوڵ ناکەین، جیاوازی شەنگال و ناوچەکانی دیکەی باشور نییە و داگیرکاری لە کام ناوچەدا بێت ئێمە دژی دەوەستینەوە.

 

ئەندامی بەڕێوەبەری گەنجانی شەنگال، سارا بۆتان وتی: وەکو ژنانی گەنج لە دژی داگیرکاری خاکەکەمان دەوەستینەوە و ئێمەی گەنجانی شەنگال ئامادەین لە باشوردا دژ بە داگیرکاری شەڕ بکەین.

 

ئەندامی تاژێ هەنا ئیلیاس پشتیوانی لە گەریلا کرد و وتی: دەوڵەتی تورکیا هەموو ڕۆژێک هێرش دەکاتە سەر وڵاتەکەمان، ئێمە بە چالاکییەکانمان لە دژی داگیرکاری دەوەستینەوە.

 

ت.پ