ناوەندی هەواڵ

 

لە ٨ی ئادار، رۆژی جیهانی تێکۆشانی ژناندا شاناز ئیبراهیم ئەحمەد، سیاسەتمەدار پەیامێکی بڵاو کردەوە تێیدا هاتووە:

لەرۆژی جیهانیی ژناندا، پابەندبوونمان بە کارکردن لەپێناو پێشخستن و بەدیهێنانی یەکسانی نێوان هەردوو ڕەگەز، دووپات دەکەینەوە.

 

ئاماژەی بەوەشکردووە، ژنانی عێراق بەدرێژایی زیاتر لەسەدەیەک تێکۆشان بۆ بەدیهێنانی ماف و ئازادییەکانیان، بەجۆشەوە مێژووی عێراقیان نەخشاند وتی: سەرباری ئەو ئاستەنگانەی بەلای ئێمەوە نامۆ نین، چونکە پێشتریش تێمانپەڕاندووە و ڕووبەڕوویان دەبینەوە.

 

لە کۆتایی پەیامەکەدا هاتووە: ئەمڕۆش بە پەرۆشەوە میراتی ژنانمان شکۆمەند دەکەین لە ڕێی مسۆگەرکردنی دواڕۆژێک کە تێیدا هەموو ژنێک دەرفەتی شایستەی پێبدرێت، لەم پێناوەشدا هەموو جۆرە خاو و خلیچییەک بەرپەرچ دەدەینەوە.