ناوەندی هەواڵ

 

بەپێی ئامارەکانی وەزارەتی کاروباری ناوخۆی مەغریب، ژمارەی ئەو کەسانەی لە بوومەلەرزەکەی دوێنێ گیانیان لەدەستداوە بۆ دوو هەزار کەس بەرزبووەتەوە و زیاتر لە دوو هەزار کەسیش بریندارن.

 

ناوەندی بوومەلەرزەکە لە چیاکانی ئەتڵەسی بەرز بوو، کە ٧١ کیلۆمەتر لە باشوری ڕۆژئاوای شاری مەغریب دوورە، شارێکە کە شوێنی کەلەپووری جیهانی هەیە و لە لای گەشتیاران بەناوبانگە.

 

هەروەها هەست بە لەرزینەکە کرا لە ڕەباتی پایتەخت، کە نزیکەی ٣٥٠ کیلۆمەتر دوور بوو، هەروەها کازابلانکا، ئەغادیر و ئیساویرا.

 

ئاماژە بەوەکراوە، زۆرێک لە خانووە سادەکانی خشتی قوڕ و بەرد و دار لە گوندە شاخاوییەکان ڕووخاون، بەڵام قەبارەی وێرانکارییەکان لە ناوچە دوورەکان کاتی دەوێت بۆ هەڵسەنگاندن.

 

بەهۆی ترسی بوومەلەرزەو وێرانبوونی ماڵەکانیان، دانیشتووانی مەغریب لەسەر شەقامەکان دەخەون و دەمێننەوە.