ناوەندی هەواڵ

 

بەڕێوەبەرایەتی پۆلیسی ڕاپەڕین بڵاویکردەوە، ئێوارەی دوێنێ، هەینی تەرمی ژنێکی گەنجی ١٧ ساڵ کە پێشەی خوێندکار و دانیشتووی شارەدێی سەنگەسەری دەڤەری پشدەر بە ناوی خ. ئـ. و. بە خنکاوی گەیەندراوەتە نەخۆشخانەی گشتی قەڵادزێ.

 

پۆلیس ئاماژەی بەوەشداوە پاش توێکاری بۆ لاشەکەی دەرکەوت شوێنەواری پەت بە ملیەوە هەیە و بەگوێرەی زانیارییە سەرەتاییەکانیش پێدەچێت بە پەت خنکابێت.

 

ئەوەشی ڕوونکردووەتەوە "بەمەبەستی هۆکاری ڕاستەقینەی مردنەکەشی تەرمەکەی ڕەوانەی پەیمانگای پزیشکی دادی سلێمانی کرا، دۆسیەی لێکۆڵینەوەش بۆ ڕووداوەکە ڕێکخراوە".

 

ت.پ