ناوەندی هەواڵ

ئاشكرا بوو کە “پتەوکردنی یەکگرتنی نەتەوەیی و یەکپارچەیی کۆمەڵایەتی” ناوی ئەو پڕۆژەیاسایە دەبێت کە تایبەت بە پرۆسەی ئاشتی و کۆمەڵگەی دیموکراتیک پێشکەشی پەرلەمانی تورکیا دەکرێت.

 

پڕۆژەیاسای چوارچێوە کە ماوەیەکی درێژە ڕۆژەڤی سیاسیی باکووری کوردستان و تورکیایە چاوەڕوان دەکرێت سبەینێ ڕادەستی سەرۆکایەتی گشتیی پەرلەمانی تورکیا بکرێت.

 

زانراوە پرۆژەیاساکە بە ناونیشانی “پتەوکردنی یەکگرتنی نەتەوەیی و یەکپارچەیی کۆمەڵایەتی” پێشکەشی پەرلەمان دەکرێت.

لە ئێستاشدا دانووستان لەسەر ئەوە بەردەوامە کە چی لایەنێکی سیاسیی پرۆژەیاساکە واژۆ دەکات بەڵام لایەنە ئۆپۆزسیۆنەکان ئاماژە بەوەدەکەن، هێشتا ناوەڕۆکی پڕۆژەیاساکەیان نەبینیوە و دوای بینینی هەڵوێستی خۆیان ڕادەگەیەنن.