شنگال

 

دوای چەند ساڵێک لە شکستی داعش لە شنگال و گەڕانەوەی دانیشتووانی ناوچەکە بۆ بەڕێوەبردنی کاروبارییان، هێزی پێشمەرگەی سەر بە پارتی دیموکراتی کوردستان هێرشیان کردە سەر شاری خانسۆر، ئێزدییەکان بە پێشەنگایەتی ژنان بۆ ماوەی چەند ڕۆژێک بەرەنگاری ئەم هێرشە بوون و بەرخۆدانێکی زۆریان دا، زۆرێکیان گیانیان لەدەستدا، لە کاتێکدا بەرگریان لە ئازادییە بە سەخت بەدەست هێنراوەکان دەکرد.

 

ئێزدییەکان ئەم هێرشەیان بە درێژەپێدەری "فەرمانی ٧٤" پێناسە کرد کە داعش لە دژی ئەوان ئەنجامیدا، لەم ڕووداوانەدا ڕۆژنامەنووس نوژیان ئارهان کرایە ئامانج و بە سەختی بریندار بوو، سەرەڕای هەوڵە پزیشکییەکان، شەوی ٢١ی ئاداری ٢٠١٧ بەهۆی برینەکانییەوە گیانی لەدەستدا.

 

ساڵانە میدیای ئازاد لە شنگال و میدیای ئازادی ئەو ژنە ئێزدییە یادی یادەکەی دەکەنەوە، ئەمساڵ لە نۆیەمین ساڵڕۆژی شەهیدبوونیدا، لەڕێگەی ڕاگەیاندراوێکەوە کە لەسەر گۆڕەکەی خوێندرایەوە، بەڵێنیان نوێکردەوە کە شوێن پێی ئەو بگرن.

 

لە ڕاگەیاندراوەکەدا، درێژەدان بە خەبات بۆ ڕاستی تا کۆتایی دووپاتکرایەوە، کە شوێنپێی چاپەمەنی ئازاد، بە ئیلهام وەرگرتن لە ڕۆحی نوژیان ئارهان، تێیدا هاتووە، ئەمڕۆ یادی نۆیەمین ساڵڕۆژی شەهیدبوونی هەڤاڵمان نوژیان ئارهان دەکەینەوە، کە بە کەسایەتی شۆڕشگێڕانە و کاری ماندوونەناسانە و خۆبەخشی خۆی، جێگەیەکی تایبەتی لە دڵمان و کۆمەڵگوکەماندا هەڵکەند، لە ماوەی خەباتدا، لە چیای ئازادەوە بەرەو شنگال بەڕێکەوت، بە پێنوس و کامێراکەی، ڕاستی ئەو شتانەی گەیاند، کە بەسەر جیهاندا دەگوزەرێت و ڕێگای ڕاستی ئێمە ڕۆیشت تا دەنگی ئازار و برین و بەرخۆدانی ژن و منداڵ و دایکەکانمان بێت.

 

لە ڕاگەیاندراوەکەدا، تیشکی خستۆتە سەر ژیان و کار و کاریگەری نوژیان ئارهان لەسەر ژنانی ئێزدی و وتی: ئەمڕۆ سەدان منداڵ لە ئێزیدخان بە ناوی نوژیانەوە ناونران، وەک دەزگایەکی ڕاگەیاندنی ژنان هەوڵدەدەین بۆ ڕاستی، شوێنپێی ئەو چاپەمەنییە ئازادە دەکەین کە لەسەری دامەزرا، ئێمە لەسەر بنەمای ئەو ڕاستییە خۆمان ڕێکخست، خۆمان وەک پلاتفۆرمێکی ڕاگەیاندن بۆ ژنانی ئێزدی دامەزراند، بۆ ئەوەی نوژیان دەبووە چرای ڕاستی و کچی شاخی شنگال و ڕۆژنامەنووسێک بۆ خاکی پیرۆزی ئێزدخان.

 

لە درێژەی ڕاگەیاندراوێکەوە هاتووە، ڕۆژنامەنووس و هەڤاڵمان نوژیان لە ساڵی ٢٠١٧دا لەکاتی هەوڵدان بۆ ئاشکراکردنی ڕاستییەکان کرایە ئامانج و شەهیدکرا، هەروەک چۆن شەڕڤانانی بەرخۆدان لە شەڕی خیانەتدا کردیان، هەرگیز لەبیرمان ناچێت، هەروەها ڕێگە نادەین ئەو کەسانەی کە ئەویان کردە ئامانج لەبیربکرێن.

 

تییدا هاتووە: چاپەمەنی ئازاد لە شنگال بە هێزێکی نوێوە درێژە بە کارەکانی دەدات ئەمڕۆ کۆمەڵگەکەمان جارێکی دیکە ڕووبەڕووی مەترسیی گەورە دەبێتەوە، ئێمەش وەک چاپەمەنی ئازاد لە شنگال، داوامان لێدەکرێت بەردەوام بین لە کارەکانمان بۆ ئاشکراکردنی ئەو پیلانانەی کە دژی کۆمەڵگەکەمان داڕێژراون و دەنگی ئەو بین.

 

لە کۆتایی ڕاگەیاندراوێکەوە دا بە نوێکردنەوەی بەڵێنی پەیڕەوکردنی ڕێگای ڕاستی: بەم یادەوەرییە و ئەم باوەڕە، دووپاتی دەکەینەوە، کە تا کۆتایی بەردەوام دەبین لە خەبات بۆ ئازادی، لەسەر ڕێگای ڕاستی، بە ڕۆحی و پێنوسەکەی، ڕاستی ئەو ژنە ئێزدییە دەگەین کە چێژ لە ژیانێکی ئازاد وەردەگرێت.