ناوەندی هەواڵ- ژمارەی مانگی نیسانی ڕۆژنامەی مانگانەی ژنانی 'نەوای ژن' بڵاوکرایەوە. ڕۆژەڤی سەرەکی ژمارەی ئەم مانگە بانگەوازییەکەی ڕێبەر ئاپۆ  بۆ ئاشتی و کۆمەڵگەی دیموکراتیک، ٨ی ئادار و پەیامەکانی نەورۆز لە خۆ دەگرێت.

 

بانگەوازەکەی ڕێبەر ئاپۆ و پەیامی ٨ی ئادار بە هەردوو زمانی کوردی و تورکی تێدا بڵاو کراوەتەوە. ڕۆژنامەنووس ڕوشەن سامسار، لە وتارەکەیدا باس لەوە دەکات کە بانگەوازەکە بۆ نەهێشتنی هەر جۆرە دۆگمایەکی دەوڵەت نەتەوە، ڕەگەزپەرەستی، ئایینی، ڕەگەزی و پاوانخوازییە. هەروەها لە کولتووری ژناندا ڕێنێسانسێکە، هەروەها ئاماژە بەوە دەکات ڕێبەر ئاپۆد لە پەیامی ٨ی ئاداردا ئاماژە بە 'رێنێسانسی ژنان' دەکات و دەڵێت: ''رینێسانسی ژنان دەستپێدەکات.

 

تێکۆشانی جیهانی ٨ی ئادار

نووسەری ڕۆژنامە یوردۆسێڤ ئۆزسۆکمێنلەر سەبارەت بە پانۆرامای ڕووداوەکانی ٨ی ئادار لە سەرانسەری جیهاندا و بەتایبەت ٨ی ئادار لە شارەکانی کوردستان کە بووە بە بانگەوازی ئاشتی و کۆمەڵگەی دیموکراتیک خستووتە بەردەم خوێنەران.

 

کاریگەرییەکانی ژنولوژی لە یۆنان و مەقدۆنیا

 لەم ژمارەیەدا دوو ڕاپۆرتی گرنگ لە لایەن ئایلین ئاجار بڵاو کراوەتەوە کە لە چاوپێکەوتنەکانیدا بۆچوونی دوو ژنی یۆنانی و مەقدۆنی لەخۆدەگرێت کە دوای بەشداربوونیان لە هەڵمەتی ژنولۆژی و بڕیاری بەڕێکخستنیان وەرگیراوە.

 

هەروەها نووسەر گولەر یڵدز لە وتارەکەیدا بۆچوونی خۆی لەسەر ٢٠ساڵەی کاری ڕۆژنامەوانی بڵاو کردووتەوە.

 

گۆڕەپانەکانی نەورۆز بوون بە دەربڕینی ئیرادە

 دەنگیر گونەش، سەبارەت بە کاریگەرییەکانی "بانگەوازی ئاشتی و کۆمەڵگەی دیموکراتیک" لە ٨ی ئادار و نەورۆزدا دەڵێت: "نەورۆزی ٢٠٢٥ ، تێکۆشانی بۆ پرۆسەی نوێ و خاوەندارێتی لە بانگەوازەکە دووپاتکردەوە و بە ڕوونی ئەو هەنگاوانەی کە پێویستە بنرێت نیشاندا."

 

بەهەمان شێوە، ڕۆژنامەنووس شەرڤین نودەم، لە وتارێکیدا بەناونیشانی "لەدایک بوونی ئاشتی و کۆمەڵگەی دیموکراتیک" ئاماژە بەوە دەکات کە بانگەوازەکە لەگەڵ پێکهێنانی لەدایکبوونی سێیەمدا چووەتە قۆناغێکی نوێوە.

 

هەروەها ڕۆزا مەتینا لەگەڵ ئایتەن کورد و پەرلەمانتاری دەم پارتی سەبارەت بە ناوەڕۆکی بانگەوازەکە و کاریگەرییەکانی بووچوونەکانیان لە چاوپێکەوتنێکدا ڕاگەیاندووە.

 

هەروەها لە بەشێکی دیکەی ئەم ژمارەدا یادەوەریی گوڵچیا باران سەبارەت بە ژیانی گەریلاکان بڵاو کراوەتەوە.

 

*خوێنەران دەتوانن ئەم ژمارە نوێیە لە ماڵپەڕی newayajin.net بخوێننەوە.