هەڵەبجە

 

 ئێوارەی دوێنێ ٢٠ی ئادار، بەچاودێری پارێزگاری هەڵەبجەو بەڕێوەبەرایەتی گشتی رۆشنبیری و هونەری هەڵەبجەو بەڕێوەبەرایەتی گەشتوگوزار ئاگری نەورۆز لە هەڵەبجە کرایەوە.

 

چیا قاسم، بەڕێوەبەری گشتی بەڕێوەبەرایەتی گەشتوگوزاری هەڵەبجە وتی: وێرای پیرۆزبایمان لەخەلکی بەشەرەفی کوردستان هیواخوازین بەهاری ئازادی و بەدیهینانی خەونەکانی نەتەوەکەمان بێت، داواکارین لەخەڵکی کوردستان جەژن و بۆنە نەتەوایەتییەکان تێکەڵ بە پرسە نیشتیمانییەکان نەکەن، کوردستان و جەژنی نەورۆز مۆرکی نەتەوەییمانە.

 

هەر ئێوارەی دوێنێ هاوڵاتیانیش لە گوندەکانی دەوروبەری هەڵەبجە بەمەبەستی پیرۆز کردنی جەژنی نەورۆز ئاگریان کردەوە.