ناوەندی هەواڵ

 

ئەو کۆنفرانسەی کە لەنێوان ١٢-١٥ی شوبات لە بۆگۆتای پایتەختی کۆڵۆمبیا ئەنجامدرا بە بەشداریی ٤٠٠ نوێنەر بەڕێوەچوو. لە ڕۆژی چوارەمی کۆنفرانسەکە ئەنجامنامەیەک بۆ ڕای گشتی ڕاگەیاندرا.

 

دوای ئەنجامنامەکە، شانۆگەری و ئاهەنگی میوزیک ڕێکخرا، بەرنامەکە بە کۆبوونەوەی ژنان لە "بازاڕی ئابووریی پشتیوانی" و چالاکیی کەلتووری بەردەوام بوو.

 

هەر لە کۆنفرانسەکەدا دژی هێرشی میلیشیاکان لە ئابیا یالا بۆ سەر منداڵ و ژن و کۆمەڵگە، ڕێپێوانێک ئەنجامدرا. پاشان ڕێپێوانێک بۆ پاراستنی ژیان و مافی مرۆڤ ئەنجامدرا، مەراسیمێکی سیمبولیک بۆ ئەو کەسانەی گیانیان لەدەستدا بەڕێوەچوو.

 

ژنان سیستەمی نیولیبراڵ و سەرمایەداری و میلیشاییان شەرمەزارکرد کە ژیانی کۆمەڵگە و منداڵان دەکاتە ئامانج، سوپاسگوزاریی خۆیان بۆ گەردوون و سرووشت و ئاو دەربڕی.

 

دووپاتکرایەوە کە بەهۆی هێرشی گرووپە میلیشاکانەوە لە کۆڵۆمبیا ساڵانە دەیان کەس گیان لەدەستدەدەن.