ژوان کەرەمی

 

کرماشان- لەگەڵ چڕبوونەوەی زیاتری هەڵئاوسانی ئابووری و بێکاری و کەلێنی چینایەتی و نەبوونی خۆراکی پێویست و بژێوی ژیانی هاوڵاتیان سواڵکردن لە شاری کرماشان زۆر زیادی کردووە.

 

وەستان لە چوارڕێیان و ترافیکی سوور، گەڕان ماڵ بە ماڵ و دوکان بە دوکان، بڵاوبوونەوەی لەسەر شۆستە و تەنانەت شوێنە زۆر مەترسیدارەکانی وەک ڕێگاوبان و بازگەکان، لە نوێترین شێوازەکانی سواڵکردنن لە شاری کرماشان کە بە شێوەیەکی بەرچاو لە زیادبووندایە، بە جۆرێکە کە هەر هاووڵاتییەک لە کرماشان، بە پەڕینەوە لە چوارڕێیانەکان، شۆستە و شەقامەکان لە دووری نێوان کەمتر لە یەک کیلۆمەتر ڕووبەڕووی زیاتر لە بیست سواڵکەر دەبێتەوە.

 

ئەم سواڵکەرانە، لەسەر شۆستەی لاتەنیشتی پیادەڕەوییەکانن، هیوایان بە سەرنشینانی ئۆتۆمبێلەکان هەیە کە هاوکارییەکانیان پێشکەشبکەن و تا دوا کاتژمێرەکانی شەو لەم شوێنە سەرقاڵی سواڵکردنن، ئەم دیمەنە بە ئازارە تەنیا چوارچێوەیەکی بچووکە لە واقیعە بینراوەکانی ڕۆژانەی کرماشان.

 

هەروەها چوارڕێیانی قائیم شاهیدی بوونی ژنێکە کە هەموو شەوێک لەگەڵ منداڵێکی ساوا سواڵ دەکات و هیوادارە سەرنشینانی ئۆتۆمبێلەکە لە پەنجەرەی ئۆتۆمبێلەکەدا بچنە خوارەوە و بڕێک پارەی پێ بدەن کاتێک لە ترافیکی سوور دەوەستن.

 

لە ماوەی ساڵی ڕابردوودا، بەهۆی خراپبوونی دۆخی ئابووری هاوڵاتیان ڕێژەی ژنان لە نێوان سواڵکەر و زبڵ کۆکەرەوەکاندا بە شێوەیەکی بەرچاو زیادی کردووە، ئاشکرایە کە ئەم ژن و منداڵانانە زیاتر لە هەموو کەسێک بەرکەوتەی توندوتیژی، هەراسانکردن، ئازاردان، نەخۆشی، نەبوونی ئاسایش و سەلامەتی دەبنەوە.