ئیزمیر

 

ئەنجومەنی ژنانی هەدەپە، بە دروشمی "ئێمە دژی توندوتیژی دەوڵەتی پیاو، شەڕ و هەژارین لە هەموو شوێنێک" لە گردبوونەوەیەکدا دەستپێکردنی چالاکییەکانی ٢٥ی تشرینی دووەمی لە بەردەم بینای OSYM لە ئەلسەنچاک ڕاگەیاند و پێشکەشی ڕۆحی دەنیز پۆیراز-یان کرد کە لە هێرشەکەی سەر بینای هەدەپە لە ئیزمیر گیانی لەدەستدا.

 

ژنان بە زمانی کوردی و تورکی دروشمیان دەوتەوە و پانکارتی "دەنیز پۆیراز سەرهەڵدانمانە"و "ئێمە دژی توندوتیژی دەوڵەتی پیاو، شەڕ و هەژارین لە هەموو شوێنێک"یان بەزر کردبووەوە، سەرپێل کەمالبەی، پەرلەمانتاری هەدەپە لە ئیزمیر، ڕایگەیاند: ئێمە بە یادکردنەوەی دەنیز پۆیراز دەستپێدەکەین و ئەم هەفتەیە پێشکەشی ڕۆحی دەکەین، ژنان لە دژی توندوتیژییەکانی دەوڵەت و پیاون، لە دژی شەڕ و هەژاری لە هەموو شوێنێک تێکۆشان بەڕێوەدەچێت هەتا ئازادی و یەکسانی بەدەستدەهێنین".

 

لە گردبوونەوەکەدا هەریەک لە شازییە کۆسێ، هاوسەرۆکی گشتی هەدەپە و مەرال دانش بێشتاش وتاریان پێشکەشکرد و پاشان بە دروشم و چەپڵە لێدان کۆتایی پێهات.

 

ت.پ