لە وان منداڵێک بەهۆی لافاوەوە گیانی لەدەستدا
لە ناوچەی پایزاوای وان بەهۆی بارانەوە لافاو دروستبوو، بەرکجان کاراکۆچ، یەکێک لەو دوو برایەی کە دوێنێ لافاو بردنی گیانی لەدەستدا.

ناوەندی هەواڵ
بەهۆی بارانبارینی چڕەوە لە ناوچەی پایزاوای وان لە ماوەی دوو ڕۆژی ڕابردوودا لافاو دروستبوو، لە نزیک ڕووباری بۆزیگین لە گەڕەکی ئاریخان، دوێنێ ١٠ی نیسان بەرکجان کاراکۆچی تەمەن ٥ ساڵ و ش. کاراکۆچی ٧ ساڵ، لە کاتی یاریکردندا پێکەوە بوون و لافاو بردنی، کەسانی نزیکی دەوروبەریان توانیان ش کاراکۆچ دەربهێنن و تەرمی بەرکجان کاراکۆچ لە دووری سێ کیلۆمەتر لە ڕووداوەکە دۆزرایەوە.
تیمەکانی تەندروستی کە گەیشتنە شوێنی ڕووداوەکە تەرمەکەی بەرکجانیان برد بۆ سەنتەری پزیشکی دۆرسون ئۆداباشی لە زانکۆی سەدەی وان.