ناوەندی هەواڵ

 

وانەبێژانی لادراوی وەزارەتی پەروەردەی حكومەتی هەرێم لەشاری هەولێر بەهۆی دانەمەزراندنیان  بەشێوەی گرێبەست گردبوونەوەو ڕایانگەیاند، ژمارەمان لە نێوان هەزار و ٥٠٠ بۆ دوو هەزار وانەبێژدایە و داوا دەکەین بە گرێبەست دابمەزرێینەوە.

 

بەشداربووانی گردبوونەوەکە وتیان: داوا دەکەین بە شێوازی گرێبەست دابمەزرێین و وەڵامی خزمەت و هاوکارییەکانمان لە کەرتی پەروەردەدا بە لادانمان درایەوە.

 

ئەوەشیان خستەڕوو، وانەبێژ هەیە ١٢ ساڵ خزمەتی هەیە و نامانەوێت خزمەتی چەندین ساڵمان بە فیڕۆ بچێت.

 

 داوا دەکەن چۆن بە بڕیارێک ٣٨ هەزار مامۆستا بوون بە گرێبەست، ئەوانیش وەک وانەبێژان بکرێینەوە بە گرێبەست و بەبێ جیاوازی گشتاندنیان بۆ بکرێت.