هەڵەبجە

 

پاشنیوەڕۆی دوێنێ لە یانەی كولتووری سیاوچه‌مانه‌ له‌ شاری هەڵەبجە به ‌هاوكاری به‌ڕێوه‌به‌رایه‌تی گشتی چاودێری كۆمه‌ڵایه‌تی هه‌ڵه‌بجە، مەراسیمی ناساندنی پەرتوکی "تەقەی خۆشی" لە نووسینی چنور تۆفیق، کە سەرگوزەشتەی ژیانی خۆی و بوونی بە خاوەن پێداویستی تایبەتە، بەڕێوەچوو.

 

چنور تۆفیق، نووسەری "تەقەی خۆشی" باسی له‌وه‌‌كرد، له‌ سه‌رده‌می ڕژێمی به‌عس به‌هۆی ته‌قه‌ی خۆشییه‌وه‌ بەشێک لە جەستەی لە کار کەوت و بوو بە  خاوه‌ن پێداویستی تایبه‌ت و تا گەشتنی بەم تەمەنەی ڕووبەڕووی چەندین ئاستەنگ بووەتەوە.

 

نووسەر ئاماژە بە هۆکاری نووسینەکەی دەکات، کە ئامانجییەتی ئیدی چەک لە کۆمەڵگە دووربخرێتەوە و نەبێتە هۆی لێسەندنەوەی ژیانی یەکدی و بوونە خاوەن پێداویستی کەسێک.

 

تەقەی خۆشی یەکەم بەرهەمی چنورە و لە ماوەی ڕابردوودا لە شاری سلێمانی مەراسیمی ناساندن و بڵاوکردنەوەی پەرتوکەکە بەڕێوەچوو.