ناوەندی هەواڵ

 

ڕۆژی ٢١ی ئاب لە گوندی چولی سەر بە ناوچەی ڕێزانی ئامەد منداڵێکی کچێکی تەمەن ٨ ساڵ بە ناوی نارین گوران کوژرا، یەکەم دانیشتنی دۆسیەی کوشتنی نارین لە دادگای هەشتەمی تاوانە قورسەکانی ئامەد بەڕێوەچوو، دانیشتنەکە بۆ ماوەی سێ ڕۆژ بەردەوام بوو و گوێ لە تۆمەتباران و شایەتحاڵەکان گیرا، لە لێکۆڵینەوەکەدا تۆمەتبار و شایەتحاڵەکان لێدوانی ناتەبایان داوە، تۆمەتبار و بەشێک لە شایەتحاڵەکان باس لەوە دەکەن کە لە کاتی دەستبەسەرکردندا مامەڵەی خراپیان لەگەڵ کراوە.

 

 زۆر پرسیاری پەیوەست بە مردنی نارین وەڵام نەدرایەوە، لە لێدوانەکاندا وشەی "نازانم" و "بیرم نییە" وترا، بنەماڵەی گوران و کەسوکاریان نەوزات بەختیاریان بە تاوانبار زانی، بەختیار بنەماڵەی گورانیش تاوانبار دەکات.

 

لە میانی دانیشتنەکەدا داواکاری گشتی داوای درێژەدان بە دەستبەسەرکردنی یوکسەل گوران، دایکی نارین و ئەنەس گوران، برای نارین و سەلیم گوران، مامی نارین و نەوزات بەختیاری دراوسێیانی دەرکرد.

 

دادگا دوای بەرگرییەکان بڕیاری کاتی خۆی دا؛ دادگا بڕیاریدا داواکارییەکەی عارف گوران و جێگرەکەی قبوڵ بکات، پەیوەندیکردن بە سەندیکای پارێزەرانی ئامەد قبول دەکات، پارێزەر لەUYAP  "سیستمی زانیاری کورتەنامە" زیادکردن و هەروەها وەزارەتی خێزان و سیاسەتی کۆمەڵایەتی بەشدار ببێت.

 

ئەمە لە کاتێدایە داواکارییەکەی ڕەتکردەوە کە باران گوران وەک سکاڵاکار بەشداری بکات، دادگا بڕیاریدا بەردەوام بێت لە دەستبەسەرکردنی هەر ٤ تۆمەتبارەکە، دانیشتنی دۆسیەکە بۆ ٢٦ی کانوونی دووەم دواخرا.