ناوەندی هەواڵ

 

چەندین پارێزگای سودان تووشی بڵاوبوونەوەی ڕاستەقینەی نەخۆشی کۆلێرا دەبن، لە سەرەتای ئەمساڵەوە زیاتر لە هەزاران کەیسی تووشبوون بە ڤایرۆسەکە تۆمارکراوە، سیستمی تەندروستی داڕما و زۆرێک لە نەخۆشخانەکان لە خزمەتگوزاری دەرچوون، ئەمەش وایکردووە کۆنتڕۆڵکردنی نەخۆشییەکە هێندەی تر قورستر بێت.

 

نازیک ئەبوزەید، پێشەنگی فەرمانگەی پزیشکانی سودان بۆ مافەکانی مرۆڤ، ڕۆژی ٨ی حوزەیران لە ڕاپۆرتێکدا ڕایگەیاند، خەرتومی پایتەخت و شەش پارێزگای دیکە بەدەست بڵاوبوونەوەی نەخۆشی کۆلێرا دەناڵێنن. بە لەبەرچاوگرتنی نەبوونی سەرەتاییترین پێداویستییەکانی ژیان و ململانێی بەردەوامی زیاتر لە دوو ساڵە و پشتگوێخستنی قەیرانی سودان، ڕێگاوبانەکان کراون بە گۆڕستان و ماڵەکان کراون بە خاڵی فریاگوزاری نەگبەت.

 

نازیک ئەبوزەید دووپاتی کردەوە کە سوپای سودان و هێزەکانی پشتیوانی خێرا هۆکار بوون بۆ ڕێگریکردن لە گەیشتنی هاوکارییە مرۆییەکان بۆ ئەوانەی پێویستیان پێیەتی، لەگەڵ نەبوونی ئاسایش ڕێگری لە ڕۆیشتنی یارمەتییە مرۆییەکان دەکات، ئەمە جگە لە بوونی دەڵاڵی جەنگ کە بازرگانی بە پێداویستی مرۆیی و دەرمانەوە دەکەن.

 

ئاماژەی بەوەشکرد، ٨٠%ی خزمەتگوزارییە پزیشکییەکان داڕماون، بەتایبەتی لە خەرتومی پایتەخت و پارێزگا زیانلێکەوتووەکان، ئەمەش لەکاتێکدایە کە کارمەندانی پزیشکی بە شێوەیەکی بەرفراوان کۆچیان کردووە. ئەوەی ڕوودەدات گەورەترین کارەساتی مرۆیی سەردەمی ئێمەیە، ئەمەش لە کاتێکدایە کە کۆمەڵگەی نێودەوڵەتی گرنگی پێنەدراوە، کە کارەساتی سودانیان چاوپۆشی کردووە، لێشاوی مرۆیی بەس یارمەتیدەر دەبوو بۆ سەقامگیرکردنی دۆخەکە، لە کاتێکدا دانیشتووان بەدەست برسێتی و قەیرانی ئاوی سەختەوە دەناڵێنن بەهۆی بەئامانجگرتنی وێستگەکانی ئاو. دانیشتووان ئاوی خواردنەوە لەو بیرانە وەردەگرن کە تێکەڵ بە ئاوەڕۆ کراون.