بڕیاری خانەنشینی زۆرەملێی ژنان دەدرێت
بەگوێرەی هەواڵە بڵاوکراوەکان، کۆمیسیۆنی سەرپێچیەکانی پارێزگای ئەلبۆرز سزای خانەنشین کردنی زۆرەملێی بەسەر لیدا ئیسماعیلیدا سەپاندووە.
ناوەندی هەواڵ
لە درێژەی سەرکوتکردنی چالاکوانانی سەندیکای کرێکاری، پەروەردەکاران، ناڕازییان و ڕەخنەگرانی کۆماری ئیسلامی، ئەنجومەنی سەندیکاکانی ڕێکخراوە بازرگانییە پەروەردەییەکانی ئێران ڕایگەیاند، دەستەی تاوانەکانی پارێزگای ئەلبۆرز، بڕیاری خانەنشینی پێشوەختە و زۆرەملێی دکتۆر لیدا ئیسماعیلی لە ئەلبورز و گیلان دەرکرد.
لەم ڕاپۆرتەدا هاتووە: ئەم فەرمانە لە کاتێکدا دەرچووە کە وەزارەتی پەروەردە هەنگاوێکی ناوە بۆ گەڕانەوەی خانەنشینانی ئەم وەزارەتە بۆ سەر کارەکانیان، لە هەمان کاتدا ڕۆژانە هەواڵی دەرکردن و لێبڕینی مووچە و لابردنی ڕیزبەندی چالاکوانان بڵاودەکرێتەوە.
ئەنجومەنی هەماهەنگی ڕێکخراوە سەندیکاکانی پەروەردەکاران لە نوسراوێکدا ڕەخنەی لە ئەدای حکومەت گرتووە: حکومەت بە کردەیی پێکهاتەی پەروەردەیی ئەم وەزارەتەی کردەە بەشێک لە ئامێری سەرکوتکاری حکومەت بە دیاریکردنی پۆستی پەروەردەیی بۆ سەربازانی سوپا و دامەزراندنی خوێندکارانی مەدرەسە.
ئەم ئەنجومەنە لە ڕاپۆرتەکەیدا وێڕای پشتیوانیکردنی ئەم چالاکە سەندیکایە کرێکارییە، ئیدانەی بە سەربازیکردنی ژینگەی قوتابخانە و دەرکردنی حوکمی دژ بە چالاکوانی سەندیکای کرێکارانی کرد و جەختی لەوە کردەوە کە ناڕەزایەتی بەربڵاوی مامۆستایان لە ئایندەیەکی نزیکدا حەتمییە.